लखनौ : उत्तरप्रदेशमधील दहशतवादविरोधी पथकाच्या (एटीएस) मुख्यालयात कार्यरत असलेले पोलिस उपअधीक्षक राजेश साहनी यांनी स्वतःवर गोळी झाडून आत्महत्या केली. साहनी हे आज (मंगळवार) दुपारी मुख्यालयातील त्यांच्या कार्यालयात मृतावस्थेत आढळले. या धक्कादायक घटनेमुळे उत्तरप्रदेश पोलिसांमध्ये खळबळ उडाली आहे. 

राजेश साहनी हे आयपीएसच्या १९९२ च्या बॅचचे अधिकारी होते. त्यांना २०१३ मध्ये पोलिस अधीक्षकपदी बढती मिळाली होती. ते मूळचे बिहारमधील पाटणा येथील रहिवाशी होते. साहनी यांनी एटीएसच्या अधीक्षकपदाचा कार्यभार हाती घेतल्यानंतर अनेक दहशतवादी कारवायांविरोधात मोहीम यशस्वी केल्या. त्यांच्या आत्महत्येची माहिती मिळताच पोलिस अधिकारी आनंदकुमार यांनी सांगितले, की राजेश साहनी यांनी सर्व्हिस रिव्हॉलव्हरमधून स्वतःवर गोळी झाडून घेत आत्महत्या केली. मात्र, त्यांनी असे का केले याची माहिती अद्याप समजू शकली नाही. 

दरम्यान, काही दिवसांपूर्वी मुंबईत माजी एटीएसप्रमुख हिमांशू रॉय यांनी अशाचप्रकारे गोळी झाडून आत्महत्या केली होती. त्यामुळे साहनी यांच्या आत्महत्येवर प्रश्नचिन्ह उपस्थित केले जात आहे.