नवी दिल्ली : बहुचर्चित अशा दिल्ली विधानसभा निवडणूकीची मतमोजणी आज (ता. ११) सुरू झाली. पहिल्या टप्प्यात आम आदमी पार्टीने आघीडी घेतली असून भाजपच्या पारड्यात १३ ते १५ जागा दिसत आहेत. तर काँग्रेस खातं उघडण्यासच असमर्थ ठरली आहे. याच पार्श्वभूमीवर भाजपचे दिल्ली अध्यक्ष मनोज तिवारी यांनी प्रतिक्रिया दिली.
मतमोजणीतील पहिल्या टप्प्यातील कल हे आपच्या बाजूने आहेत असा सवाल केल्यानंतर 'मी नर्व्हस नाही, भाजपसाठी आजचा दिवस अत्यंत महत्त्वाचा आहे. भाजपच्या कार्यालयात जल्लोषाची तयारी सुरू आहे. भाजप आज दिल्ली सरकामध्ये येईल. भाजप ५५ जागांवर जिंकली तर आश्चर्य वाटून घेऊ नका' असे तिवारी यांनी सांगितले. तिवारी ईशान्य दिल्लीचे खासदार आहेत.
दिल्लीतील ७० विधानसभा मतदारसंघासाठी ८ फेब्रुवारीला मतदान झाले. दिल्लीत घडत असलेल्या अनेक राजकीय, सामाजिक घडामोडींमुळे या निवडणूकीत निकाल बदलतात का, अशी शक्यता व्यक्त केली जात होती. मात्र, निकालाचे कौल बघता दिल्लीकरांनी पुन्हा एकदा 'आप'ला कौल दिलेला दिसतोय. मागील निवडणूकीत आपला ६७ तर भाजपला ३ जागा होत्या. यावेळी भाजपच्या जागा मोठ्या संख्येनी वाढण्याची शक्यता आहे, मात्र, बहुमतात आप येईल अशीच शक्यता पहिल्या टप्प्यात दिसत आहे.
सकाळच्या टप्प्यातील कल जाहीर होत असताना आम आदमी पक्षाला स्पष्ट बहुमत मिळण्याची चिन्हं असल्यामुळं दिल्लीत आम आदमी पक्षात उत्साहाचं वातावरण आहे. आपच्या कार्यालयात सजावट करण्यात आलीय. मिठाईच्या ऑर्डर्स देण्यात आल्या आहेत. आम आदमी पक्षाच्या कार्यकर्त्यांना कार्यालयात सकाळपासूनच गर्दी करायला सुरुवात केली आहे. ढोल-ताशे आणि मिठाई, अशी विजयोत्सवाची सगळी तयारी करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.