Bjp Politics: महाराष्ट्रात गेल्या वेळी झालेल्या चुकांपासून धडा घेत भाजपने यावेळी अत्यंत शांतपणे आणि संयमाने 'ऑपरेशन लोटस' हाती घेतले आहे. महाराष्ट्रात राष्ट्रवादी काँग्रेसचे अजित पवार यांना आपल्या गोटात आणण्यासाठी गेल्या काही दिवसांत बैठकांच्या अनेक फेऱ्या झाल्या. भाजपला घाईघाईत कोणताही निर्णय घ्यायचा नव्हता. अजित पवार दिल्लीत देखील जाऊन आले मात्र कुणाला भनक देखील लागली नाही.

अखेर महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी अमित शहा आणि जे.के. पी. नड्डा यांची भेट घेतली आणि ठरवलं की राष्ट्रवादी काँग्रेसमध्ये सर्जिकल स्ट्राईक करण्याची हीच योग्य वेळ आहे. राष्ट्रवादीतील सर्जिकल स्ट्राईक नंतर भाजप आता देशातील भाजपची सत्ता नसलेले राज्यावर ताबा मिळवण्याचा प्रयत्न करत आहे.

बिहारमध्ये ऑपरेशन लोटस करण्यासाठी भाजपने कंबर कसली आहे. बिहारमध्ये अनेक आमदार संपर्कात असल्याचे वक्तव्य केंद्रातील मंत्र्यांनी केले आहे. भाजपचे कर्नाटकमध्ये देखील विशेष लक्ष आहे. आगामी निवडणुकांच्या पार्श्वभूमीवर भाजप सतर्क झाले आहे. भाजपने पहिली चाल चालली आहे. भाजपन 4 राज्यांचे भाजप प्रदेशाध्यक्ष बदलले आहेत.

पंजाब, आंध्र प्रदेश, तेलंगाणा आणि झारखंड चे प्रदेशाध्यक्ष बदलण्यात आले आहेत. वर्षाच्या शेवटी निवडणुका होणाऱ्या तेलंगणा राज्याची जबाबदारी किशन रेड्डी यांच्यावर देण्यात आली आहे. तसेच सुनील जाखड यांच्यावर पंजाबची, आंध्र प्रदेशची जबाबदारी डी. पुरांदेश्वरी तर झारखंडची जबाबदारी बाबू लाल मराडी यांच्यावर देण्यात आली आहे.