अहमदाबाद : गुजरातमधील पूरग्रस्त भागाची पाहणी करण्यासाठी गेलेले कॉंग्रेसचे उपाध्यक्ष राहुल गांधी यांच्या मोटारीवर दगडफेक केल्याप्रकरणी भाजपच्या युवा मोर्चाच्या नेत्याला अटक करण्यात आली आहे. 

या दगडफेकीत राहुल गांधी यांना कोणतीही इजा झाली नव्हती. राहुल गांधी यांनी आज आपल्यावर भाजप आणि संघानेच हल्ला केल्याचा आरोप केला होता. अखेर पोलिसांनीही भाजप नेत्यालाच या हल्ल्याप्रकरणी अटक केली आहे. काँग्रेसच्या नेत्यांनी जिल्हा स्तरावर आंदोलन केल्यानंतर पोलिसांकडून 18 तासांनंतर कारवाई करण्यात आली. पालनपूर युनिटच्या भाजप युवा मोर्चाचा महासचिव जयेश दारजी याला अटक करण्यात आली आहे. तसेच अन्य तिघांवरही गुन्हा दाखल करण्यात आला आहे.

या हल्ल्याप्रकरणी शुक्रवारी रात्री पोलिसांनी तक्रार घेण्यास नकार दिला होता. काँग्रेसचे माजी प्रदेशाध्यक्ष अर्जुन मोधवाधिया आणि इतर काँग्रेस नेत्यांनी वरिष्ठांशी चर्चा केल्यानंतर तक्रार दाखल करून घेण्यात आली होती. लाल चौकातून धनेरातील हेलिपॅडकडे जात असताना एका व्यक्तीने राहुल गांधी यांच्या मोटारीवर दगडफेक केली. दगडफेकीत मोटारीच्या मागील काचा फुटल्या. गांधी यांना कोणतीही इजा झाली नाही.

ई सकाळवरील ताज्या बातम्यांसाठी क्लिक करा:

• भाजप, संघानेच केला माझ्यावर हल्ला: राहुल गांधी
• सोपोरमध्ये लष्करे तैयबाच्या 3 दहशतवाद्यांचा खात्मा
• प्रकाश महेता का 'उल्टा चष्मा' 
• कल्याण: रेल्वे प्रवाशांवरील वाढत्या गुन्हेगारीवर आळा घालण्याची मागणी​
• कोयना धरणात 85.66 टीएमसी पाणीसाठा
• उपराष्ट्रपतिपदासाठी आज मतदान; नायडू-गांधी यांच्यात लढत​
• धुळे : 'याले काय श्रावण म्हणतस'; वृध्दांची खंत​
• पवार यांच्या दूरदृष्टीमुळे शेतीच्या क्षेत्रात क्रांती - देवेंद्र फडणवीस​
• गॅलरीच्या पासमुळे पवार विधिमंडळात आले - तटकरे​
• निगडीपर्यंत मेट्रोची १२ ऑगस्टला घोषणा?​