मुंबई : वैशाख महिन्यातील पौर्णिमेला बुद्ध पौर्णिमा म्हणतात. यावर्षी १६ मे या दिवशी बुद्ध पौर्णिमा आहे. वैशाख महिन्यातील पौर्णिमेला गौतम बुद्धांचा जन्म झाला होता, असे मानले जाते. त्यांच्या जन्मतिथीला बुद्ध पौर्णिमा साजरी केली जाते. बौद्ध धर्मियांसाठी हा दिवस एखाद्या सणासारखा असतो.
हिंदू धर्मातील समजुतीनुसार गौतम बुद्ध हे विष्णूचा नववा अवतार आहेत. त्यामुळे हा दिवस हिंदूंसाठीही महत्त्वाचा आहे. या दिवशी श्रीहरी आणि चंद्राची पूजा केली जाते.
बुद्ध पौर्णिमेच्या व्रताचे महत्त्व
बुद्ध पौर्णिमेचे व्रत महत्त्वाचे मानले जाते. या दिवशी भल्या पहाटे उठून आंघोळ करून सूर्याला पाणी अर्पण करून व्रताचा संकल्प केला जातो. हे व्रत चंद्रदर्शनाशिवाय पूर्ण होत नाही. या दिवशी दानधर्म केल्याने पुण्य लाभते असे मानले जाते.
बुद्ध पौर्णिमेच्या पूजेचा विधी
भल्या पहाटे उठून आंघोळ करून सूर्याला पाणी अर्पण करावे. या दिवशी सूर्याला तिळाचे पाणी अर्पण करणे महत्त्वाचे मानले जाते. या दिवशी विष्णूच्या प्रतिमेचे पूजन केले जाते व चंद्रदर्शन पुण्यदायी मानले जाते.
बुद्ध पौर्णिमेचा शुभमुहूर्त
मुहूर्त १५ मे ला दुपारी १२.४५ वाजता सुरू होऊन १६ मे ला ९.४५ पर्यंत राहील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.