मुंबई : वर्षातील पहिले चंद्रग्रहण १६ मे या दिवशी बुद्ध पौर्णिमेला लागणार आहे. वैशाख महिन्याच्या शुक्ल पक्षातील पौर्णिमेला बुद्ध पौर्णिमा मानले जाते. पंचांगानुसार १६ मे ला वैशाख पौर्णिमेची तिथी, विशाखा नक्षत्र आणि चंद्र ग्रहण वृश्चिक राशीत लागेल. हे पूर्ण चंद्रग्रहण असेल. या दिवशी बुद्ध पौर्णिमेचे पर्व चंद्रग्रहण परीघ योगामध्ये साजरे केले जाईल.
हिंदू धर्मामध्ये चंद्रग्रहणाला विशेष महत्त्व आहे. बुद्ध पौर्णिमा, वैशाख पौर्णिमा आणि चंद्रग्रहणाला नदीत आंघोळ करणे, दान आणि ध्यान या गोष्टींना हिंदू धर्मात विशेष महत्त्व आहे.
या वर्षीचे पहिले चंद्रग्रहण कधी ?
या वर्षीचे पहिले चंद्रग्रहण १६ मे २०२२ या दिवशी लागेल. सकाळी ८ वाजून ५९ मिनिटे ते १० वाजून २३ मिनिटे या कालावधीत हे ग्रहण लागेल. हे चंद्रग्रहण भारतात दिसणार नाही.
सूतककाळ मान्य नाही
हे चंद्रग्रहण भारतात दिसणार नसल्याने त्याचा सूतककाळ मान्य होणार नाही. ग्रहण सुरू होण्याच्या ९ तास आधीपासून त्याचा सूतककाळ सुरू होईल. या काळात कोणतेही चांगले कार्य केले जात नाही.
इथून दिसेल ग्रहण
नैऋत्य युरोप, आशिया, आफ्रिका, उत्तर अमेरिका, दक्षिण अमेरिका, प्रशांत महासागर, हिंदी महासागर येथून हे ग्रहण दिसेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.