बेंगळुरु- भाजप खासदार अनंत कुमार हेगडे यांनी भटकल मशिदीबाबत आक्षेपार्ह वक्तव्य केलं होतं. त्यानंतर त्यांच्याविरोधात तक्रार दाखल करुन घेण्यात आली आहे. हेगडे हे उत्तर कनाडाचे खासदार आहेत. त्यांच्या द्वेषपूर्ण वक्तव्यानंतर सु मोटो अंतर्गत कुमाता पोलीस स्टेशनमध्ये तक्रार दाखल करण्यात आली आहे. (Case against BJP MP Anant Kumar Hegde over controversial remark on Bhatkal mosque)

कारवार एसपी विष्णुवर्षन यांनी सांगितलं की, अनंक कुमार हेगडे यांच्याविरोधात तक्रार दाखल करण्यात आलीये. द्वेषपूर्ण वक्तव्य आणि जिल्ह्यामध्ये अशांतता निर्माण करण्याचा प्रयत्न करणे याप्रकरणात त्यांच्याविरोधात तक्रार दाखल करण्यात आलीय. पोलिसांनी भारतीय दंड संहिता १५३ (A) ( धार्मिक, वांशिक, जन्म, स्थान यावरुन दोन गटामध्ये अंशातता निर्माण करण्याचा प्रयत्न करणे) नुसार तक्रार दाखल केली आहे.

हेगडे काय म्हणाले होते?

उत्तरा कनाडा येथे शुक्रवारी सभेला संबोधित करताना हेगडे म्हणाले होते की, '१९९२ मध्ये कारसेवकांनी बाबरी मशिद पाडली होती. त्याच प्रमाणे भटकल मशिद नष्ट करायला हवी. बाबरी मशिदसारखं भटकल मशिदीची परिस्थिती होईल हे निश्चित आहे. हा निर्णय अनंतकुमार हेगडेचा नाही. पण, हा निर्णय हिंदू समाजाला आहे.' त्यांच्या या वक्तव्यानंतर वाद निर्माण झाला होता.

हेगडे यांनी कर्नाटकचे मुख्यमंत्री सिद्धरामय्या यांच्यावर देखील टीका केली होती. सिद्धारामय्या सुरुवातीला म्हणाले होते की त्यांना अयोध्येतील राम मंदिराच्या उद्घाटनाचे निमंत्रण मिळाले नाही. त्यानंतर ते म्हणतात अयोध्येत जाणार नाही. मला त्यांना सांगायचंय की, तुम्ही जा किंना न जा. राम मंदिराचे उद्घाटन होणारच आहे. (Latest Marathi News)