CBI investigation in Balasore Train Tragedy: बालासोर ट्रेन दुर्घटनेचा तपास करताना आतापर्यंत ७ रेल्वे अधिकाऱ्यांना सीबीआयकडून अटक करण्यात आली आहे. त्यांनी काम करताना केलेल्या निष्काळजीपणामुळे तीन ट्रेनचा मोठा अपघात झाल्याचा आरोप त्यांच्यावर ठेवण्यात आलाय, असे सीबीआयच्या वरीष्ठ अधिकाऱ्यांनी सांगितले.

२ जूनला बालासोर जिल्ह्यात बाहनगा बाजार रेल्वे स्टेशनजवळ तीन ट्रेन एकमेकांवर धडकल्या होत्या, ज्यामध्ये २९३ लोकांचा दुर्दैवी मृत्यू झाला, तर १२०० पेक्षा अधिक लोक गंभीरपणे जखमी झाले होते. साऊथ इस्टर्न रेल्वेचे जनरल मॅनेजर अनिल कुमार मिश्रा माध्यमांशी बोलताना म्हणाले की, जर अधिकारी जागरुक असते तर अपघात टळला असता.

शासकीय कर्मचारी निलंबन २४ तास अटकेत राहिल्यावर होतो निलंबित

सीबीआयने आधी अटक केलेल्या ३ जणांसमवेत एकूण ७ जणांना रेल्वेने निलंबित केले आहे. मिश्रांनी घटनास्थळी भेट दिली तेव्हा त्यांनी सांगितले की, कायद्यानुसार जेव्हा एखाद्या शासकीय कर्मचाऱ्याला २४ तासांपेक्षा जास्त काळ अटक होते तो निलंबित होतो.(Latest Marathi News)

याआधी, सीबीआयने सिनियर सेक्शन इंजिनियर (सिग्नल) अरुण कुमार महंत, सेक्शन इंजिनिअर मोहम्मद आमिर आणि टेक्निशिअन पप्पू कुमार यांनी अटक केली होती. त्यांना आणखी चार दिवस सीबीआयच्या ताब्यात ठेवण्यात आलंय.

त्यांची ५ दिवसांची कोठडी पूर्ण होण्याआधी त्यांना सीबीआय विशेष कोर्टात हजर करण्यातआलं जिकडे त्यांच्या कोठडीत वाढ करण्यात आली.(Latest Marathi News)

याआधी साऊथ ईस्टर्न सर्कलच्या रेल्वे सेफ्टी कमीशनर यांनी केलेल्या तपासणीमध्ये उघड झालं की ,स्टेशन जवळील सिग्नलिंग सर्किटमध्ये झालेल्या चुकांमुळे ही दुर्घटना घडली.

कोरोमंडल एक्सप्रेसची मालगाडीशी झाली होती टक्कर

हावडा जाणारी कोरोमंडल एक्सप्रेस २ जूनला दुसऱ्या ट्रॅकवर उभ्या असणाऱ्या मालगाडीला धडक झाली, ज्यामुळे त्या गाडीचे बहुतांश डब्बे पटरीवरुन उतरले. यादरम्यान त्याठिकाणाहून जाणारी बंगळूर-हावडा सुपरफास्ट एक्सप्रेसचे मागील काही डब्बे पलटी झाले, ज्यामुळे हा भीषण अपघात झाला.