नागपूर : केंद्रीय औद्योगिक सुरक्षा दल (CISF) ने 1 सप्टेंबर 2022 पासून RSS मुख्यालयाची सुरक्षा हाती घेतली आहे. एका अधिकाऱ्याने सोमवारी ही माहिती दिली. केंद्रीय औद्योगिक सुरक्षा दलाच्या (सीआयएसएफ) तुकडीने नागपूरच्या महाल परिसरातील राष्ट्रीय स्वयंसेवक संघाचे मुख्यालय असलेल्या हेडगेवार भवनाची सुरक्षा ताब्यात घेतली. संघटनेतील एका सूत्राने सांगितले की, सीआयएसएफ आरएसएस प्रमुख मोहन भागवत यांना 'झेड प्लस सुरक्षा कवच' देखील देईल.

काल संध्याकाळी आलेल्या अधिकार्‍यांसह सुमारे 150 सुरक्षा कर्मचार्‍यांनी राज्य राखीव पोलिस दल (SRPF) आणि नागपूर पोलिसांची जागा घेतली, हे गेल्या 15 वर्षांपासून संघाच्या मुख्यालयाला सुरक्षा पुरवत होते, अशी माहिती सूत्रांनी दिली . केंद्रीय गृह मंत्रालयाने याआधी RSS मुख्यालय आणि मोहन भागवत यांना असलेल्या धोक्याच्या पार्श्वभूमिवर Z+ सुरक्षा प्रदान करण्याचा निर्णय घेतला होता.

संघ मुख्यालयाची सुरक्षा ताब्यात घेतलेल्या सीआयएसएफ टीमचे नेतृत्व उपायुक्त दर्जाचा अधिकारी करतील. फिल्हार मुख्यालयाजवळील एका शाळेत सुरक्षा कर्मचार्‍यांची सोय करण्यात आली आहे. जून 2006 मध्ये, लष्कर-ए-तैयबाच्या तीन संशयित दहशतवाद्यांनी आरएसएसच्या मुख्यालयात प्रवेश करण्याचा प्रयत्न केला तेव्हा त्यांना पोलिसांनी गोळ्या घालून ठार केले होते.