रांची : येथील जिल्हा न्यायालयाने 2 फेब्रुवारी रोजी पंतप्रधान नरेंद्र मोदी, केंद्रीय गृहमंत्री अमित शहा व केंद्रीय समाजकल्याण राज्यमंत्री रामदास आठवले यांच्याविरोधात दाखल करण्यात आलेल्या फसवणुकीच्या आरोपपत्रासंदर्भात सुनावणी करण्यात आली. आता पुढील सुनावणी  2 मार्च रोजी होणार आहे. 

ताज्या बातम्यांसाठी डाऊनलोड करा ई-सकाळचे ऍप

याबाबत सविस्तर माहिती अशी की, आम्ही सत्तेत आल्यास प्रत्येकाच्या बॅंक खात्यामध्ये 15 लाख रुपये जमा करू या आश्वासनाची पुर्तता न केल्याचा ठपका ठेवत विधिज्ञ एच. के. सिंग यांनी भारतीय दंड संहितेच्या 415 (फसवणूक), 420 (बेईमानी) व 123 (b) (लोकप्रतिनिधी कायदा) कलामांअंतर्गत पंतप्रधान मोदी यांच्यासह अमित शहा व रामदास आठवले यांच्याविरोधात तक्रार दाखल केली होती. या प्रकरणी रांची जिल्हा न्यायालयामध्ये 2 फेब्रुवारी रोजी सुनावणी करण्यात आली आहे.

हेही वाचा -  शिवजयंतीसाठी राष्ट्रवादी काँग्रेसने शिवसेनेला केलं हे आवाहन...

या फ्रकरणी तक्रार दाखल करणाऱ्या विधिज्ञ एच. के. सिंग यांनी आपली भूमिका मांडताना म्हणतात, गृहमंत्री अमित शहांनी, भाजपच्या निवडणूक जाहीरनाम्यात सुधारित नागरिकत्व कायदा लागू करण्याचा प्रमुख वायदा असल्यानेच हा कायदा देशामध्ये लागू केल्याचं म्हटंलं होतं. जर भाजपच्या जाहीरनाम्यातील सुधारित नागरिकत्व कायदा लागू करण्याचे आश्वासन पुर्ण होते, तर मग भाजपच्या जाहीरनाम्यातील प्रत्येक नागरिकाच्या बॅंक खात्यावर 15 लाख रुपये जमा करण्याचे आश्वासन का पुर्ण होत नाही असा प्रश्न उपस्थित केला.

हेही वाचा - तिथीनुसार शिवसैनिकांनी शिवजयंती केल्यास दुटप्पीपणा

लोकप्रतिनिधी कायद्यानुसार मतांसाठी खोटी आश्वासनं देता येत नाहीत व असं केल्यास लोकांची फसवणूक फ्रकार ठरतो असं देखील सिंग म्हणाले. मात्र एच. के. सिंग यांचा, 2014 लोकसभा निवडणुकांदरम्यान भाजपच्या जाहीरनाम्यामध्ये प्रत्येक नागरिकांच्या बॅंक खात्यावर 15 लाख रुपये जमा करण्याचे आश्वासन देण्यात आल्याचा दावा खोटा असून भाजपच्या निवडणूक जाहीरनाम्यात अशा प्रकारचं कोणतंही आश्वासन देण्यात आलं नव्हतं. असं भाजपकडून सांगण्यात आले आहे.

दरम्यान, याबाबतची पुढील सुनावणी 2 मार्च रोजी होणार असून, एच. के. सिंग यांनी दाखल केलेली तक्रार ही केवळ प्रसिद्धि प्राप्तीसाठी भपकेबाजी असल्याचं भाजपतर्फे सांगण्यात आलं आहे.

ताज्या बातम्यांसाठी डाऊनलोड करा ई-सकाळचे ऍप