बंगळूर : राज्य सरकार स्थिर असून, त्याला कोणताच धोका नाही, असे सांगून भाजप नेत्यांनी केलेला दावा मुख्यमंत्री सिद्धरामय्या (CM Siddaramaiah) यांनी फेटाळून लावला.

काँग्रेसचे सरकार (Congress Government) कोसळेल, महाराष्ट्रात उद्धव ठाकरे (Uddhav Thackeray) यांच्या नेतृत्वाखालील महाआघाडी सरकारसारखीच तिची अवस्था होईल, असे भाजपचे आमदार आणि माजी मंत्री रमेश जारकीहोळी (Ramesh Jarkiholi) यांनी सोमवारी म्हटले होते.

त्यांनी दावा केला की, सरकारला बाहेरील कोणत्याही गोष्टीपेक्षा आतून धोका आहे, ‘उपमुख्यमंत्री डी. के. शिवकुमार आणि कंपनी’ या पडझडीला जबाबदार असतील. त्यावर प्रत्युत्तर देताना सिद्धरामय्या म्हणाले, ‘‘आमचे सरकार स्थिर आहे आणि केवळ भाजप नेत्याने म्हटल्याने ते कोसळणे शक्य नाही.