नवी दिल्ली- काँग्रेस नेते तथा माजी केंद्रीय मंत्री जयराम रमेश यांनी राष्ट्रीय सुरक्षा सल्लागार अजित डोवाल यांचे पुत्र विवेक डोवाल यांची बदनामी प्रकरणी माफी मागितली आहे. विवेक डोवाल यांनी जयराम रमेश आणि कारवां मॅगझिनविरोधात बदनामीकारक वक्तव्य आणि लेखासाठी मानहानीचा खटला दाखल केला होता. 

जयराम रमेश यांनी म्हटले की, मी विवेक डोवाल यांच्याविरोधात वक्तव्य केले होते. निवडणुकीच्या काळात रागाच्या भरात मी अनेक आरोप केले होते. मी त्याची खात्री करायला हवी होती. यावर विवेक डोवाल यांनी म्हटले की, जयराम रमेश यांनी माफी मागितली आहे आणि आम्ही त्याचा स्वीकारही केला आहे. कारवां मॅगझीनविरोधातील बदनामीचा खटला सुरुच राहील. 

विवेक डोवाल यांनी सोमवारी मानहानी करणारा लेख प्रकाशित केल्याप्रकरणी कारवां मॅगझीनवर फौजदारी खटला दाखल केला होता. विवेक यांनी याप्रकरणी जयराम रमेश यांच्याविरोधातही तक्रार दाखल करण्याची विनंती केली होती. त्यानंतर कारंवा पत्रिकेतील या लेखाचे लेखक जयराम रमेश यांच्याविरोधात तक्रार दाखल करण्यात आली होती. विवेक एक विदेशी फंड कंपनी चालवत आहेत. त्या कंपनीचे प्रमोटर्स हे संशयित पार्श्वभूमीचे आहेत. अतिरिक्त मुख्य मेट्रोपॉलिटन मॅजिस्ट्रेट समर विशाल हे मंगळवारी यावर सुनावणी करु शकतात. 

हेही वाचा- 'पुत्रप्रेमातून बाहेर पडून पक्षाला वाचवा'; सोनिया गांधींना सल्ला

'द कारवां' नावाच्या एका वेब मॅगझीनने अजित डोवाल आणि त्यांच्या कुटुंबीयांवर गंभीर आरोप केले होते. अजित डोवाल यांचे पुत्र विवेक डोवाल किमॅन आयलँडमध्ये हेज फंड चालवतात. हा हेज फंड 2016 मध्ये पंतप्रधान नरेंद्र मोदींच्या नोटबंदीच्या घोषणेनंतर अवघ्या 13 दिवसांनंतर नोंदवण्यात आला होता. विवेक यांचा हा व्यवसाय त्यांचे बंधू शौर्य डोभाल यांच्या व्यवसायाशी निगडीत आहे. 

हेही वाचा- 'लाखो लोकांच्या आयुष्याचं वाटोळं झालं'; राहुल गांधींची PM मोदींवर टीका