नवी दिल्ली: काही दिवसांपुर्वी कोरोनाचा देशातील प्रभाव उतरताना दिसला होता. प्रतिदिन कोरोना रुग्णांची वाढ 40 हजारांच्या आत आली होती. पण नंतर कोरोनाचे रुग्ण वाढताना दिसत आहेत. मागील 24 तासांत देशात कोरोनाचे 50 हजार 209 रुग्णांचे निदान झालं असून 704 रुग्णांचा मृत्यू झाला आहे.

आतापर्यंत देशातील कोरोना रुग्णांची संख्या 83 लाख 64 हजार 86 वर गेली आहे. तर मृत्यूंचा आकडा 1 लाख 24 हजार 315 झाला आहे. दिलासादायक बाब म्हणजे देशात 77 लाख 11 हजार 809 कोरोना रुग्ण बरे होऊन घरी परतले आहेत. मागील 24 तासांत देशात कोरोनाच्या 55 हजार 331 रुग्णांना डिस्चार्ज देण्यात आला आहे. 

Video : मी मोदींच्या मीडियाला घाबरत नाही : राहुल गांधी

रोजची देशातील चाचण्यांची संख्या वाढताना दिसत आहेत. यामुळे कोरोना रुग्ण शोधण्यास मदत होत आहे. बुधवारी एका दिवसात कोरोनाच्या 12 लाख 9 हजार 425 चाचण्या झाल्या आहेत. तर आतापर्यंत देशातील कोरोना चाचण्यांची संख्या 11 कोटी 42 लाख 8 हजार 384 झाल्याची माहिती आयसीएमआरने (Indian Council of Medical Research) दिली आहे.

- Breaking : आणखी ३ राफेल विमानं भारतात दाखल!​

देशात सध्या दिल्लीत कोरोनाचे रुग्ण झपाट्याने वाढताना दिसत आहेत. दिल्लीत कोरोनाची दुसरी लाट आल्याची माहिती मुख्यमंत्री अरविंद केजरीवाल यांनी दिली आहे. युरोपातील कोरोनाची स्थितीही बिकट होत आहे. जर्मनी, इंग्लंड, फ्रान्स आणि स्पेनमध्ये कोरोनाचे रुग्ण वाढताना दिसत आहे. युरोपातील बऱ्याच देशांनी पुन्हा लॉकडाऊनही जाहीर केले आहे.

(edited by- pramod sarawale)