नवी दिल्ली : देशात या वर्षाच्या शेवटपर्यंत सर्व प्रौढ नागरिकांचे कोरोना लसीकरण पुर्ण व्हावे. यासाठी भारत सरकार विशेष प्रयत्न करतांना दिसत आहे. त्याचाच एक भाग म्हणजे सरकारने आजपासून कोरोना लसीकरणासाठी व्हॉट्सअ‍ॅपची मदत घेण्याचं ठरवलं आहे. या माध्यमातून जास्तीत जास्त प्रौढ नागरिकांना लसीकरणास मदत होणार आहे. कारण आजपासून व्हॉट्सअ‍ॅपवर सुद्धा कोरोना लसीसाठी नोंदणी करता येणार आहे.

केंद्रीय आरोग्य मंत्री मनसुख मंडाविया यांनी आज यासंबंधी ट्विट करून माहिती दिली आहे. ट्विटमध्ये त्यांनी लिहले आहे की, 'नागरिक सुविधेच्या नव्या पर्वाला सुरुवात झाली आहे. आता आपण आपल्या मोबाईलद्वारे कोरोना लसीचं स्लॉट बुक करू शकता.' असे ट्विट मंडाविया यांनी केले आहे.

व्हॉट्सअ‍ॅपवर कोरोना स्लॉट बुक करण्यासाठी तुम्हाला +919013151515 या क्रमांकावर 'Book Slot' असे मॅसेज पाठावे लागणार आहे. त्यानंतर एक ओटीपी येईल आणि क्रमांकाची सत्यापण झाल्यानंतर तुम्हाला कोणत्या तारखेला स्लॉट बुक करायचं आहे. त्यासंबंधी माहिती टाकावी लागणार आहे. त्यानंतर कोरोना स्लॉट बुक झाल्यांचे एक मॅसेज तुम्हाला प्राप्त होणार आहे.

दरम्यान देशात आतापर्यंत 58.8 कोटी जणांनी कोरोनाची लस घेतली आहे. या वर्षाच्या शेवटपर्यंत सुमारे 108 कोटी जणांना कोरोनाची लस मिळावी असा मुख्य उद्देश सरकारचं आहे.