पाटणा - झारखंडमधील हजारीबाग जिल्ह्यातील एका विलगीकरण केंद्रात चार ब्राह्मण स्थलांतरित मजुरांनी मागास वर्गातील युवकाने तयार केलेले अन्न खाण्यास नकार दिला. या मजुरांसाठी आता कोरडे पदार्थ देण्याची सोय केली आहे.
हजारीबागमधील विष्णुगड गावातील एका विलगीकरण कक्षात शंभरहून अधिक स्थलांतरित मजूर आहेत. यात काही मागास, मुस्लीम आणि अन्य जाती व समाजाचे लोक आहेत. येथील चार ब्राह्मण मजुरांनी मागास जातीतील युवकाने तयार केलेले जेवण घेण्यास नकार दिल्यानंतर खळबळ उडाली.
हजारीबागचे उपायुक्त भुवनेश प्रतापसिंह यांनी ‘जे असे अन्न घेणार नाहीत, त्यांना कोरडे पदार्थ देण्यात येतील,’ असे सांगितले. ब्राह्मण मजुरांना अशा प्रकारे वेगळे जेवण देण्यावर काही सामाजिक संस्थांनी आक्षेप नोंदविला आहे. ‘‘सरकारने सामाजिक भेदभाव नष्ट करणे गरजेचे असताना उलट अधिकारीच त्याला प्रोत्साहन देत आहेत. सरकारी केंद्रात जातीच्या आधारे जेवण पुरविणे चुकीचे आहे,’’ असे मत सामाजिक कार्यकर्ते प्रबल महतो यांनी व्यक्त केले.
स्थानिक अधिकाऱ्यांचा पाठिंबा
जातीनिहाय खानपान व्यवस्थेला स्थानिक अधिकाऱ्यांचाही पाठिंबा असल्याचे दिसत आहे. एका अधिकाऱ्याच्या म्हणण्यानुसार १४ दिवसांचीच तर बाब आहे. विलगीकरण केंद्रातील जेवण ज्यांना नको आहे, त्यांच्यासाठी स्वतंत्र व्यवस्था केली जाईल. राज्यात झारखंड मुक्ती मोर्चा, काँग्रेस व राष्ट्रीय जनता दल आघाडीचे सरकार असूनही असे भेदभाव होत आहेत, याबद्दल काही जणांनी नाराजी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.