अहमदाबाद- बँकेतील कामकाज संथगतीने होत असल्याच्या अनेक बातम्या तुम्ही वाचल्या असतील. परंतु, गुजरातमधील राजकोट येथील एका बँकेने एका ग्राहकाच्या अकाऊंटमधून पैसे कापले. त्यानंतर चिडलेला ग्राहक थेट गादी आणि उशी घेऊन बँकेच्या शाखेत धरणे आंदोलनास बसला. बँकेने खात्यातून तब्बल 1.62 लाख रुपये कापले होते. ग्राहकाच्या मते, तो गेल्या 10 दिवसांपासून अधिकाऱ्यांसमोर आपली बाजू मांडत होता. परंतु, त्याचं कोणीच ऐकले नाही. त्यानंतर वैतागून त्याने असे आंदोलन करण्याचा निर्णय घेतला. त्यानंतर 24 तासांत त्याचे कापले गेलेले पैसे पुन्हा जमा झाले. परंतु, हा ग्राहक आता माफीनाम्यावर अडून बसला आहे. 

हे प्रकरण राजकोट जिल्हा पंचायत चौकातील एका बँकेच्या शाखेतील आहे. बँकेच्या नजीक राहणारे विकासभाई दोशी यांचे चालू खाते याच शाखेत आहे. बँकेने विशालभाईंच्या संस्थेला सीएस अहवाल मागितला होता. बँकेने संबंधित कागदपत्रे मागितली होती, ती मी नवीन फॉरमॅटमध्ये जमाही केले होते. त्यानंतरही माझ्या खात्यातून 1.62 लाख रुपये कापले. यासाठी मागील 10 दिवसांपासून बँकेत माझी बाजू मांडत होतो. पण कोणीच मला उत्तर दिले नाही. त्यामुळे वैतागून मी हे पाऊल उचलले आहे. बँकेतच धरणे करण्यास बसल्यानंतर राजकोट शाखेत खळबळ उडाली. विकासभाई दोशी हे सहा तास शाखेत बसले होते. एक दिवसानंतर बँकेने खात्यात पुन्हा 1.39 लाख रुपये जमा केले. परंतु, शूल्काच्या नावाखाली कापलेल्या रकमेवर जीएसटीची रक्कम कापली होती. ती अद्याप परत दिली गेलेली नाही. 

हेही वाचा- प्रेमासाठी धर्म बदलला! पत्नीच्या नावे 3 लाखांची FD काढ; पतीला कोर्टाचा आदेश

याबाबत येस बँकेचे रिलेशनशिप मॅनेजर ऋषभ वसा म्हणाले की, कस्टमरला सीएस सर्टिफिकेट मागण्यात आले होते. त्यांनी ते 30 डिसेंबर रोजी जमा केले. 31 डिसेंबरला त्यांना शूल्क लावण्यात आले. त्यांनी जी कागदपत्रे दिली होती. ती ऍप्रू्व्हल देण्यास उशीर झाला होता. यासाठी कस्टमरने माफीही मागितली होती. याबाबत आम्ही मुंबई ऑफिसला कळवलेही आहे. 

हेही वाचा- कोलकात्यामधील ९० रुग्ण ते भंडाऱ्यातील दहा बालकांचे मृत्यूतांडव; वाचा देशाला हादरविणाऱ्या आगीच्या घटना