नवी दिल्ली : दिल्लीमध्ये प्रदूषणाची समस्या दिवसेंदिवस वाढत आहे. या प्रदूषणाचा थेट परिणाम दिल्लीकरांच्या आरोग्यावर होत आहे. या वाढत्या प्रदूषणामुळे दिल्लीतील सर्व शाळांना 14 आणि 15 नोव्हेंबर या दोन दिवस सुट्टी जाहीर करण्यात आली आहे. याबाबतच्या सूचना पर्यावरण प्रदूषण नियंत्रण व संरक्षण प्राधिकरणाचे (ईपीसीए) अध्यक्ष डॉ. भूरेलाल यांनी दिल्लीचे मुख्य सचिव विजय देव यांना केल्या आहेत.
राजधानी दिल्लीत प्रदूषणाची पातळी धोकादायक स्तरावर पोहचली आहे. त्यामुळे डॉ. भूरेलाल यांनी शाळांना सुट्टी देण्याबाबत मुख्य सचिवांना पत्र लिहून सूचना केल्या आहेत. भूरेलाल यांनी याबाबतचे आदेश दिल्यानंतर दिल्लीचे उपमुख्यमंत्री मनिष सिसोदिया यांनी ट्विट करून शाळांना दोन दिवस सुट्टी राहणार असल्याची माहिती दिली.
सिसोदिया यांनी ट्विटमध्ये सांगितले, की उत्तर भारतात पराली प्रदूषणामुळे बिघडत चाललेली स्थिती पाहून दिल्ली सरकारने दिल्लीतील सर्वच शाळांना दोन दिवसांची सुट्टी जाहीर केली आहे.
हॉट-मिक्स प्लांट्सवरही बंदी
दिल्ली-एनसीआरमध्ये हॉट-मिक्स प्लांट्स आणि स्टोन क्रशरवरही 15 नोव्हेंबरपर्यंत बंदी आणली आहे. तसेच पीएनजी फ्यूलचा वापर ज्या कंपन्या करत नाहीत, अशा सर्व कंपन्या 15 नोव्हेंबरपर्यंत बंद ठेवण्याचे आदेश दिले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.