आसाममध्ये सध्या तुफान पाऊस सुरु असून या पावसाचा फटका इथल्या विमानतळाला बसला आहे. लोकप्रिय गोपिनाथ बोर्डोलोई आंतरराष्ट्रीय विमानतळाच्या छताचा काही भाग अचानक आलेल्या वादळी वाऱ्यामुळं रविवारी कोसळला. या दुर्घटनेत कोणीही जखमी झालेलं नाही. पण यामुळं सहा विमानांचे मार्ग बदलण्यात आले. या विमानतळच्या देखभालीची जबाबदारी अदानी ग्रुपकडे आहे. (Due to heavy rain guwahati airport portion of ceiling collapses flights diverted)

या घटनेचा एक व्हिडिओ सोशल मीडियावर व्हायरल झाला आहे, त्यात छताचा एक भाग अचानक कोसळताना दिसत आहे. अचानक घडलेल्या या घटनामुळं प्रवासी आणि विमानतळ कर्मचारी बचावासाठी धावताना दिसत आहेत. तर इतर काही व्हिडिओंमध्ये विमानतळ कर्मचारी आवारातील अतिरिक्त पाणी काढण्याचा प्रयत्न करताना दिसत आहेत. (Latest Marathi News)

विमानतळ कर्मचाऱ्यांनी सांगितलं की, "विमानतळाच्या छताचा जो भाग कोसळला तो खूप जुना झाला होता आणि त्यामुळं तुफान पाऊस आणि हवा तो सहन करू शकला नाही. त्यामुळं तो भाग कोसळला आणि त्यामुळं टर्मिनलमध्ये पाणी वाहू लागलं. मात्र, यामध्ये कोणतीही दुखापत झाली नाही आणि सर्व काही नियंत्रणात आहे," (Marathi Tajya Batmya)

दरम्यान, इंडिगो, एअर इंडिया आणि एअर इंडिया एक्स्प्रेसची उड्डाणं आगरतळा आणि कोलकाता इथं वळवण्यात आली आहेत. पण नंतर दृश्यमानता सुधारल्यानं विमानाची उड्डाणं पुन्हा सुरू करण्यात आली आणि गुवाहाटी विमानतळावर विमानं उतरण्यास सुरुवात झाली.