आयुर्वेदिक बॉडी मसाज देण्याच्या बहाण्याने आपल्यावर बलात्कार केल्याचा आरोप एका 31 वर्षीय डच महिलेने केला आहे. जयपूरमधील सिंधी कॅम्पजवळील एका हॉटेलमध्ये आयुर्वेदिक बॉडी मसाज देण्याच्या बहाण्याने तिच्यावर बलात्कार (Rape) झाल्याचा आरोप या महिलेने केला असल्याचं पोलिसांनी शुक्रवारी सांगितले.

पीडित डच महिलेने बुधवारी ही घटना सांगितले. तिच्या तक्रारीवरून आरोपी बिजू मुरलीधरन याला पोलिसांनी (Police) अटक केली आहे. बिरजू हा मूळ केरळचा रहिवासी असून जो जयपूरमधील खातीपुरा भागात भाड्याच्या घरात राहत होता. (Dutch Woman Raped After Ayurvedic Massage in Jaypur; Accuse Arrested)

याबाबत माहिती देताना पोलिसांनी सांगितले की, पीडितेने त्या व्यक्तीला मसाजसाठी ती राहात असलेल्या ठिकाणी बोलावले होते. त्यानंतर ही घटना घडल्याचं तिने सांगितले. डच महिलेच्या तक्रारीवरुन गुरुवारी संध्याकाळी सिंधी कॅम्प पोलिस ठाण्यात भारतीय दंड संहितेच्या कलम 376 अंतर्गत गुन्हा दाखल करण्यात आल्याचं पोलिसांनी सांगितले. महिलेची वैद्यकीय तपासणीही करण्यात आली असून आरोपीची चौकशी करण्यात येत आहे, असेही पोलिसांनी सांगितले.