नवी दिल्ली : भाजप प्रदेशाध्यक्ष चंद्रकांत पाटील आणि विरोधी पक्षनेते देवेंद्र फडणवीस यांच्यासह राज्यातील काही प्रमुख भाजप नेत्यांनी शुक्रवारी (ता.१४) दिल्ली दौरा करून केंद्रीय गृहमंत्री अमित शहा यांची भेट घेतली.

- ताज्या बातम्यांसाठी डाऊनलोड करा ई-सकाळचे ऍप

रात्री उशीरापर्यंत चाललेल्या या बैठकीत आगामी राज्यसभा व विधान परिषद निवडणुकीबाबत चर्चा झाल्याची माहिती आहे. भाजपमध्ये येऊन लोकसभा खासदारकी गमावलेले उदयनराजे भोसले यांना राज्यसभेवर आणण्यास भाजप नेतृत्वाने अनुकूलता दर्शविली आहे. 

- सावरकरांपेक्षा अण्णाभाऊ साठेंना द्या भारतरत्न : इम्तियाज जलील 

शहा यांच्या निवासस्थानी सुरू असलेल्या या बैठकीला सुधीर मुनगंटीवार यांच्यासह माजी खासदार उदयनराजे भोसले व धनंजय महाडीक हेही उपस्थित होते. राज्यातील सद्यस्थितीबरोबरच आगामी निवडणुकीांच्या संदर्भत यावेळी चर्चा झाल्याचे सूत्रांनी सांगितले.

- 'व्हॅलेन्टाइन डे'ला सचिनने जगजाहीर केलं त्याचं पहिले प्रेम!

राज्यसभेतून ७ मराठी खासदार यावर्षी एप्रिलमध्ये निवृत्त होणार आहेत. राज्यातील सत्ता गमावलेल्या भाजपला ३ खासदार निवडून आणता येतील. सत्तारूढ शिवसेना-कॉंग्रेस-राष्ट्रवादीचे ४ खासदार वरिष्ठ सभागृहात निवडून येणे निश्‍चित आहे.

- Pulwama Attack : 'मी भाग्यशाली...' वीरेंद्र सेहवागची पोस्ट होतेय व्हायरल!

उदयनराजे यांना पक्षाच्या कोट्यातून राज्यसभेवर आणण्यास भाजप नेतृत्व अनुकूल आहे. त्याचबरोबर यंदाच निवृत्त होणारे समाजकल्याण राज्यमंत्री रामदास आठवले यांनाही पुन्हा राज्यसभेवर आणणे व तसे न झाल्यास पुढच्या सहा महिन्यांत अन्य राज्यांतून त्यांना राज्यसभेवर आणणे भाजपला क्रमप्राप्त दिसत आहे.