मोगा (पंजाब): प्रथम प्रेमाच्या जाळ्यात ओढायची आणि विवाह करायची. विवाह केला की हुंड्याच्या गुन्ह्यात अडकावयाची. किंवा प्रेमाच्या जाळ्यात ओढून बलात्काराच्या गुन्ह्याखाली पैसे लुटायची. दोन पोलिसांनाही फसवणाऱया युवतीला विविध गुन्ह्यांखाली अटक करण्यात आली आहे.
पोलिसांनी युवतीसह पाच जणांना अटक केली. तिने यापूर्वी चार विवाह केल्याचे तपासात उघड झाले आहे. चौथ्या पतीकडे तिने 10 लाख रुपयांची मागणी केली होती. परंतु, 10 लाख रुपये न देऊ शकल्यामुळे तिने बलात्काराची धमकी दिली आणि याप्रकरणात ती अडकली.
पोलिस अधिकारी गुरदेव सिंह यांनी सांगितले की, कमलजित सिंह यांनी 5 डिसेंबर 2019 रोजी तक्रार दाखल केली होती. तक्रारीमध्ये त्याने अमनदीप कौर नावाच्या युवतीसोबत विवाह केला होता. परंतु, तिने फसवल्याचे म्हटले होते. पहिल्या पतीपासून तिला 10 वर्षांचा मुलगा आहे. घटस्फोट न घेता तिने दुसरा विवाह केला. काही दिवसातच तिसरा विवाह केला आणि चौथाही केला. घटस्फोट, बलात्कार अशा गुन्ह्यांखाली अडकून ती पैसे लुटत होती. तिला ताब्यात घेण्यात आले असून, पुढील तपास सुरू आहे.
पोलिसांनी सांगितले की, युवती प्रथम प्रेमाच्या जाळ्यात ओढायची. विवाहासाठी जबरदस्ती करायची किंवा बलात्काराची धमकी देऊन पैसे लुटायची. यासाठी तिला तिचे नातेवाईक मदत करायचे. दोन पोलिसांनाही तिने फसवले आहे. बदनामी पोटी अनेकजण पैसे देऊन बाहेर पडायचे. एकाकडून तिने 20 लाख रुपये लुटले आहेत. काही लाखांमध्ये पैसे घेऊन ही टोळी लुटत असल्याचे तपासात उघड झाले आहे. याप्रकरणी अमनदीप कौर, बबलजीत कौर, सुखपाल कौर, नरिंदर कौर, कश्मिरसिंह यांना अटक करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.