दुचाकी वाहन क्षेत्रातील आघाडीची कंपनी असलेल्या बजाज कंपनीने आपली आयकॉनिक स्कूटर ब्रँड 'चेतक'ला इलेक्ट्रिक अवतारामध्ये परत आणली आहे.
रस्ते, वाहतूक आणि महामार्ग मंत्री नितीन गडकरी, नीति आयोगाचे मुख्य कार्यकारी अधिकारी अमिताभ कांत आणि बजाज ऑटोचे व्यवस्थापकीय संचालक राजीव बजाज यांच्या उपस्थितीत ई-स्कूटर चेतकचे अनावरण करण्यात आले.
यावेळी बजाज म्हणाले की, 'दुचाकी उद्योग क्षेत्रात प्रस्थापित झालेल्या बजाज कंपनीने अनेक गोष्टी पहिल्यांदा स्वत: निर्माण केल्या आहेत. त्यामुळेच आम्ही इलेक्ट्रिक वाहन क्षेत्रातही जाण्याचा निर्णय घेतला आहे.'
येत्या जानेवारी 2020 पासून इलेक्ट्रिक चेतक स्कूटरच्या विक्रीस पुण्यातून सुरवात होणार असून त्यानंतर बंगळूरमध्ये विक्री सुरू करण्याची कंपनीची योजना आहे. बजाजच्या चाकण येथील प्लांटमधून सुरवातीस विक्री केली जाईल. त्यानंतर प्रो-बाइकिंग डीलरशिप कंपनी सुरू करणार आहे. पुढील वर्षी युरोपच्या बाजार पेठांमध्ये चेतक विक्रीसाठी उपलब्ध होणार आहे.
बजाजने नवीन चेतक स्कूटरची किंमत अजून जाहीर केलेली नाही. मात्र, या नव्या स्कूटरची किंमत दीड लाख रुपयांपेक्षा जास्त नसल्याचे कंपनीने स्पष्ट केले. स्पोर्टमोडमध्ये 85 किमी आणि इको मोडवर 95 किमीपर्यंत ती धावू शकते. तसेच एकदा चार्ज केल्यानंतर 5 तासांपर्यंत ती कार्यरत राहत असल्याची माहिती कंपनीने दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.