हरियाणातील राष्ट्रीय महामार्ग 9 वरील हांसीजवळील रामपुरा गावाजवळ सकाळी भीषण अपघाताची घटना घडली. या अपघातामध्ये जागीच पाच जणांचा मृत्यू झाला आहे. (Haryana Accident 5 people died in a horrific road accident in Hansi)

हरियाणातील राष्ट्रीय महामार्ग 9 वरील हांसीजवळील रामपुरा गावाजवळ बुधवारी सकाळी हॉटेल सांझा चुल्हाजवळ उभ्या असलेल्या ट्रकखाली क्रूझर आणि बाईकची धडक होऊन पाच जणांचा जागीच मृत्यू झाला.

मृतांमध्ये एका महिलेचाही समावेश आहे. मृत व्यक्ती रोहतक जिल्ह्यातील खरकाडा गावातील असल्याचे सांगण्यात येत आहे.Accident

एका कंपनीत काम करणाऱ्या कामगारांना घेऊन जात असलेल्या क्रुझरचा अपघात झाला आहे. अतिवेग आणि पावसामुळे ही वाहने रस्त्याच्या कडेला उभ्या असलेल्या ट्रकवर आदळली.

अपघाताची माहिती मिळताच पोलीस घटनास्थळी पोहोचले. रुग्णवाहिकेच्या मदतीने सर्वांचे मृतदेह सिव्हिल हॉस्पिटल हांसी येथे नेण्यात आले. तेथे त्यांचे शवविच्छेदन करण्यात येणार आहे.