तिरुअनंतपुरम : कोरोना व्हायरसची लागण झालेल्या एका ब्रिटिश रुग्णावर ‘एचआयव्ही’वरील औषधांची चाचणी कोची येथील कलमासेरी वैद्यकीय महाविद्यालयात करण्यात आली आहे. संबंधित रुग्णांची परवानगी घेऊन केलेली ही चाचणी देशात प्रथमच झाली असावी, असा अंदाज वर्तविण्यात येत आहे. 

- आता बातम्या ऐकण्यासाठी डाऊनलोड करा ई-सकाळचे ऍप 

जगभरात पसरलेल्या कोरोना व्हायरसच्या आजारावर अद्याप कोणतेही औषध अथवा लस नसल्याने वैद्यकीय मंडळाने नियमांमध्ये दुरुस्ती करीत कोरोनाच्या रुग्णावर 'एचआयव्ही'वरील औषधांची चाचणी करण्यास कलमासेरी महाविद्यालयाला परवानगी दिली. कोरोना व्हायरसवर ‘एचआयव्ही’वरील औषधांची चाचणी चीनमध्ये याआधीच सुरू झाली आहे. 

- पंतप्रधान मोदींनी केली जनता कर्फ्युची घोषणा; या दिवशी होणार अंमलबजावणी

दरम्यान, केरळचे मुख्यमंत्री पिनराई विजयन यांनी केरळमधील परिस्थती नियंत्रणात असल्याची माहिती बुधवारी (ता.१८) दिली. राज्यामधील अनेक रहिवासी कामानिमित्त जगभरात विखुरलेले आहेत. शिवाय अनेक जण विदेशात सातत्याने प्रवास करीत असल्याने केरळकडे विशेष लक्ष देण्याची अपेक्षा त्यांनी व्यक्त केली. 

- संशोधक म्हणतात, 'कोरोना व्हायरस हा नैसर्गिकच!'

मुख्यमंत्र्यांचे निर्देश 

- दुकानदार, हॉटेलचालकांनी गर्दी टाळण्यासाठी ग्राहकांना ऑनलाइन सेवा द्यावी. 
- विदेश मद्याच्या दुकानात ३० ग्राहकांनाच येण्याची परवानगी. 
- धार्मिक संस्थांमध्ये १५ व्यक्तींनाच प्रवेश. 
- लग्न समारंभ आणि अन्य कार्यक्रमांतील उपस्थिती टाळावी.

- हुश्श : चीनमध्ये नवा संसर्ग नाही; पण एक चिंता कामय, जाणून घ्या जगात कोठे काय घडले?