हैदराबाद, ता. १२ (पीटीआय) : कोरोना व्हायरसमुळे सध्या देशात भीतीचं वातावरण आहे. कोरोनाच्या लढाईत सर्वाधिक आरोग्य यंत्रणेवर ताण आहे. यातच अनेक ठिकाणी अनागोंदी कारभार सुरु असल्याच्याही बातम्या येत आहेत. रुग्णांना वेळेवर उपचार मिळत नाहीत. अहवालात चुका किंवा तपासणी करण्यास टाळाटाळ असे अनेक प्रकार समोर येत आहेत. यातच आता एक धक्कादायक अशी घटना घडली आहे. हैदराबादमधील एका रुग्णालयातून मृतदेह बेपत्ता झाल्याची घटना घडली होती. त्याची अधिक चौकशी केल्यानंतर धक्कादायक माहिती समोर आली आहे. 

कोरोना विस्फोट! सर्वाधिक बाधितांची संख्या असलेला भारत आता चौथा देश

रुग्णालयातून बेपत्ता झालेल्या मृतदेहावर अन्य कुटुंबीयांनी अंत्यसंस्कार केल्याचा प्रकार उघडकीस आला. या घटनेने खळबळ उडाली असून, चौकशीची मागणी करण्यात आली आहे. हैदराबादमधील असिफनगर येथील रहिवासी आमीर याचा भाऊ रशिद खानला रुग्णालयात दाखल करण्यात आले होते. त्याच्या फुफ्फुसात संसर्ग झाल्याने त्याच्यावर गांधी रुग्णालयात उपचार सुरु होते. मात्र उपचारादरम्यान त्यांचे निधन झाले. 

दिल्ली, महाराष्ट्र आणि तामिळनाडुत लॉकडाऊन वाढणार? राज्य सरकारकने दिली माहिती

रशिद खानच्या निधनाची माहिती रुग्णालय प्रशासनाने त्याचा भाऊ आमीरला दिली. त्यानंतर दवाखान्यात आमीर त्याच्या भावाचा मृतदेह आणण्यासाठी आला. मात्र दवाखान्यात भावाचा मृतदेह आढळला नाही तेव्हा एकच खळबळ उडाली. आमीरने मुख्यमंत्री के चंद्रशेखर राव यांच्याकडे तक्रार केली.

 चिंताजनक ! कोरोनाबाधितांच्या आकडेवारीत भारत आता चौथ्या स्थानावर

मुख्यमंत्र्यांकडेच तक्रार केल्यानंतर पोलिसांनी घटनेचा तपास केला असता संबंधित बेपत्ता मृतदेहावर दफनविधी झाल्याचं समोर आलं. जिथं रशिद खान उपचार घेत होतं त्याच रुग्णालयात कोरोनाबाधित मोहम्मदचा मृत्यू झाला होता. त्याच्या नातेवाइकांनी मोहंमद याचा मृतदेह असल्याचे समजून रशिद खान याचा मृतदेह घरी नेला आणि त्याचा दफनविधी केला. यानंतर एकच खळबळ उडाली आहे.