नवी दिल्ली : एआयएमआयएमचे अध्यक्ष आणि खासदार असदुद्दीन ओवैसी यांच्या गाडीवर गोळीबार झाल्याच्या घटनेचा व्हिडिओ समोर आला. त्यानंतर याप्रकरणी काही जणांना अटक करण्यात आली तर केंद्र सरकारने (Central Government) असदुद्दीन ओवैसींच्या सुरक्षेच्या आढावा घेत त्यांच्या सुरक्षेत वाढ केली. (Asaduddin Owaisi Reacted Over Attack on His Vehicle)

याविषयी असदुद्दीन ओवैसीं लोकसभेत (Loksabha) बोलताना म्हणाले, “मला मृत्यूची भीती वाटत नाही. मला ‘Z’ श्रेणीची सुरक्षा नको आहे, मी ती नाकारली. मला ‘A’ श्रेणीचा नागरिक बनवा. मी गप्प बसणार नाही. त्यांच्यावर (शूटर) यूएपीएचा आरोप लावा. कृपया न्याय करा.” द्वेष, कट्टरतावाद संपवण्याचे आवाहन त्यांनी या प्रसंगी सरकारला केले.