बंगळूर : काँग्रेसकडून युतीची शक्यता वर्तविली जात असतानाच सोमवारी (ता.2) माजी मुख्यमंत्री एच. डी. कुमारस्वामी यांनी मात्र अप्रत्यक्षरीत्या काँग्रेसवर टीका केली. पुन्हा मुख्यमंत्री होण्याची इच्छा नाही, असे त्यांनी म्हटल्याने अनेकांच्या भुवया उंचावल्या आहेत.
पोटनिवडणुकीच्या प्रचारार्थ उत्तर कर्नाटकातील दौऱ्यावर असलेल्या कुमारस्वामी यांनी हुबळीमध्ये पत्रकारांसमोर पुन्हा मुख्यमंत्री होणार नसल्याचे स्पष्ट केले.
ते म्हणाले, ''मी मुख्यमंत्री असताना अनेक विकासकामे राबवून शेतकऱ्यांची 25 हजार कोटी रुपयांची कर्जे माफ केली. मात्र, माझ्या कामाची दखल काँग्रेसनेही आणि स्वकियांनीही घेतली नाही. शेतकऱ्यांच्या कर्जमाफीसह काँग्रेस आमदार असलेल्या विधानसभा मतदारसंघांसाठी 19 हजार कोटी रुपये मंजूर केले; पण त्यावर मात्र सध्या कोणीच बोलत नाही. त्यामुळेच मी हा निर्णय घेतला आहे. पोटनिवडणुकीनंतर राज्यातील राजकारणात बदल घडू शकतो. नऊ डिसेंबरनंतर सर्व काही स्पष्ट होईल.''
गोकाकचे भाजप उमेदवार रमेश जारकीहोळी यांचा पराभव निश्चित असल्याचे भाकित कुमारस्वामी यांनी केले. रमेश यांच्यावर टीका करताना, बाप-मुलाचा पक्ष म्हणून जेडीएसवर टीका केली. मात्र जेडीएस हा सर्वांचा पक्ष आहे.
केवळ पक्ष वाढविण्यासाठी आम्ही प्रयत्न केले; पण ज्यांनी असा अपप्रचार केला ते सर्वजण निवडणुकीत पराभूत होऊन घरी बसले असून, रमेश जारकीहोळीही घरी बसणार असल्याचा दावा कुमारस्वामींनी व्यक्त केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.