Indian Air Force Agniveer Result 2022 : भारतीय वायुसेनेने अग्निवीर पदांच्या भरतीसाठी घेतलेल्या परीक्षेचा निकाल जाहीर केला असून, परीक्षा दिलेले उमेदवार agnipathvayu.cdac.in या अधिकृत साइटवर जाऊन निकाल पाहू शकणार आहेत. 24 जुलै 2022 रोजी हवाई दलाने या परीक्षेचे आयोजन केले होते.

पहिल्या टप्प्यातील परीक्षा 24 जुलै 2022 ते 31 जुलै 2022 दरम्यान हवाई दलाकडून घेण्यात आली होती. पहिल्या टप्प्यातील परीक्षेतील यशस्वी उमेदवारांना आता दुसऱ्या टप्प्याच्या परीक्षेसाठी बोलावले जाणार आहे. दुसऱ्या टप्प्यातील परीक्षा 1 डिसेंबर 2022 रोजी होणार आहे. अग्नीवीर अंतर्गत भरतीसाठी 7 लाखांहून अधिक उमेदवारांनी अर्ज केले होते. या भरती मोहिमेद्वारे हवाई दलातील अग्निवीरच्या एकूण 3500 पदे भरण्यात येणार आहेत. या भरतीसाठी अर्ज प्रक्रिया 24 जून 2022 पासून सुरू झाली आणि 5 जुलै 2022 पर्यंत चालू होती.

या भरती मोहिमेसाठी अर्ज करण्याची कमाल शैक्षणिक पात्रता विज्ञान शाखेतून बारावी उत्तीर्ण आहे. उमेदवाराच्या वयाबद्दल बोलताना उमेदवाराचा जन्म २९ डिसेंबर १९९९ ते २९ जून २००५ दरम्यान झालेला असावा. अग्निवीर भरती परीक्षेत निवडलेल्या अर्जदारांना PSL फेरीसाठी बोलावले जाणार असून दुसऱ्या टप्पयातील परीक्षा 01 डिसेंबर 2022 रोजी आयोजित केली जाणार आहे.

असा तपासा निकाल

स्टेप 1: निकाल तपासण्यासाठी उमेदवाराने सर्वप्रथम agnipathvayu.cdac.in या अधिकृत वेबसाइटला भेट द्यावी.

स्टेप 2 : त्यानंतर होमपेजवर दिलेल्या निकालाच्या लिंकवर क्लिक करा

स्टेप 3: येथे फॉर्ममध्ये विचारलेली माहिती प्रविष्ट करून ती सबमिट करावी.

स्टेप 4 : वरील सर्व माहिती भरून झाल्यानंतर उमेदवारांना स्क्रीनवर दिसून येईल.