नवी दिल्ली - गोव्यातील कळंगुट येथील एका दुकानदाराला माफी मागण्यास भाग पाडल्याने आणि भारताच्या समर्थनार्थ घोषणा देण्यास भाग पाडल्याचा व्हिडिओ सोशल मीडियावर व्हायरल झाला आहे. काही लोकांच्या गटाने संबंधीत दुकानदाराला घोषणाबाजी आणि माफी मागण्यास भाग पाडलं. व्हिडिओत उत्तर गोव्यातील कळंगुट येथील दुकानमालक पाकिस्तान क्रिकेट संघाला पाठिंबा देतोय, अस दिसत आहे. कारण त्याचा परिसर मुस्लीम बहुल आहे.

जेव्हा हा व्हिडिओ बनवण्यात आला तेव्हा पाकिस्तान आणि न्यूझीलंड यांच्यात क्रिकेट सामना सुरू होता. या व्हिडिओमध्ये असे दिसून आले की, व्लॉगरने त्या व्यक्तीशी थोडक्यात संभाषणही केले. यात व्लॉगर विचारतो की कोण खेळत आहे? तुम्ही न्यूझीलंडला पाठिंबा देत आहात का? यावर उत्तर देताना दुकानदार उत्तर देतो की, मी पाकिस्तानला पाठिंबा देत आहे. व्लॉगरने त्याला पुन्हा का विचारले. त्यावर त्यांनी आपला परिसर मुस्लीम असल्याचे उत्तर दिले.

हा व्हिडिओ व्हायरल होताच काही लोकांनी दुकानदाराकडे धाव घेतली आणि त्याला व्हिडिओबद्दल विचारणा करण्यास सुरुवात केली. लोकांनी त्याला माफी मागण्यास आणि 'भारत माता की जय' म्हणण्यास भाग पाडले. स्थानिक पोलिस अधिकाऱ्याने सांगितले की, या घटनेबाबत अद्याप कोणतीही तक्रार दाखल करण्यात आलेली नाही.