अहमदाबाद : देशातील दुसऱ्या खासगी तेजस एक्‍स्प्रेसचे उद्‌घाटन शुक्रवारी (ता.17) झाले. अहदाबाद-मुंबई मार्गावर धावणाऱ्या या आरामदायी गाडीला गुजरातचे मुख्यमंत्री विजय रूपानी यांनी शुक्रवारी (ता.17) सकाळी हिरवा झेंडा दाखविला. 

- ताज्या बातम्यांसाठी डाऊनलोड करा ई-सकाळचे ऍप

मुंबई मध्य मार्गावरील 'तेजस'मधून प्रवाशांना रविवारपासून प्रवास करता येणार आहे. रेल्वेच्या 'इंडियन रेल्वे केटरिंग अँड टुरिझम कॉर्पोरेशन (आयआरटीसीसी) या उपकंपनीतर्फे ही रेल्वे चालविली जाते. देशातील पहिली तेजस एक्‍स्प्रेस रेल्वे दिल्ली-लखनौ मार्गावर गेल्या वर्षापासून सुरू आहे. तेजस एक्‍स्प्रेस सर्व अत्याधुनिक सुविधा आहे. देशभरात अशा 150 गाड्या सुरू करण्याचे रेल्वे मंत्रालयाचे नियोजन आहे. 

- Nirbhaya Case : 'निर्भया'तील सर्वच दोषींची फाशी कायम; एक फेब्रुवारीला शिक्षा

उद्‌घाटनानिमित्त आज अहमदाबाद स्थानक फुलांनी सजविलेले होते. फलाटावर सुरू असलेल्या परंपरागत संगीत आणि नृत्याच्या साथीत आज सकाळी 10 वाजून 43 मिनिटांनी या रेल्वेने मुंबईकडे कूच केले. सुमारे 500 किलोमीटर अंतर साडेसहा तासांत कापत 'तेजस' सायंकाळी सहाच्या सुमारास मुंबई सेंट्रलला पोचली. उद्‌घाटन कार्यक्रमाला रेल्वेमंत्री पीयूष गोयल उपस्थित राहणार होते. मात्र, खराब हवामानामुळे ते येऊ शकले नाहीत, असे भाजपचे खासदार किरीट सोलंकी यांनी सांगितले. 

- ब्रँडेड कपडे नाही तर ब्रँडेड विचार ठेवते हि फेमस क्रिकेटरची पत्नी, काम जाणून व्हाल तिचे फॅन!

देशातील दुसरी तेजस एक्‍स्प्रेस ही मध्यम वेगवान रेल्वे अहमदाबाद- मुंबई या मार्गावर धावणार असून, त्याचे उद्‌घाटन करणे ही अभिमानाची बाब आहे. यामुळे दोन्ही राज्यांचा फायदा होणार आहे. मुंबई-अहमदाबाद मार्गावरील बुलेट ट्रेनचे कामही वेगाने सुरू आहे. 
- विजय रुपानी, गुजरातचे मुख्यमंत्री 

अशी आहे 'तेजस' 

-82902/82901 गाडी क्रमांक 
-आठवड्यातून सहा दिवस धावणार 
- प्रत्येक गुरुवारी देखभालीसाठी बंद 
- संपूर्ण वातानाकूलित गाडी 
- ऑनलाइन आरक्षण 60 दिवसांआधी शक्‍य 
- रेल्वेत भोजनसेवा उपलब्ध 
- चहा -कॉफीसाठी व्हेंडिंग मशीनची सोय 
- वाचण्यासाठी दिवा, मोबाईल चार्जिंग, एलईडी टीव्ही संच 
- डब्यात सीसी टीव्ही कॅमेरे, पर्यावरणपूरक स्वच्छतागृह, स्वंयचलित दरवाजे 

- INDvsAUS : किंग कोहलीच्या नावावर जमा झाले तीन अनोखे कारनामे!

आसन क्षमता :
736 - एकूण प्रवासी क्षमता 

56 आसने - दोन एक्‍झिक्‍युटिव्ह डबे 

78 आसने - आठ डबे 

विलंब शुल्क (प्रत्येक प्रवाशामागे) :

- एक तास उशीर झाल्यास : 100 रु. 

- दोन तासांपेक्षा जास्त उशीर झाल्यास : 250 रु.

प्रस्थान आणि आगमन वेळ : 

सकाळी 6. 40 : अहमदाबादहून प्रस्थान 

दुपारी 1.10 : मुंबई सेंट्रलला त्याच दिवशी आगमन 

दुपारी 3.40 : मुंबई सेंट्रलहून सुटणार 

रात्री 9. 55 : अहमदाबादला पोचणार