नवी दिल्ली: कोरोनावरील लशीची आस सध्या प्रत्येकाला लागली आहे. जगभरातील बऱ्याच देशांनी लस बाजारात येण्यापुर्वी लसनिर्मिती कंपनींकडून लशी विकत घेतल्या आहेत. यामध्ये भारतही मागे राहिला नाही, भारत सरकारने कोरोनाच्या तब्बल 60 कोटी लशींचं बूकींग करून त्याची प्री-ऑर्डर देऊन ठेवली आहे. तसेच अजून 100 कोटी लशी मिळण्यासाठी विविध कंपन्यांशी चर्चा सुरु असल्याची माहिती एडवांस मार्केट कमिटमेंट्सने दिली आहे.

तसेच जगभरात फक्त अमेरिका लस बूकींगच्या बाबतीत भारताच्या पुढे असल्याचे एडवांस मार्केट कमिटमेंट्सच्या एका जागतिक सर्वेक्षणात समोर आलं आहे. अमेरिकेने आतापर्यंत 81 कोटी कोरोनाच्या डोसची प्री-ऑर्डर देऊन ठेवली आहे. तसेच अमेरिका अजून 1.6 अब्ज डोस खरेदी करण्याची योजना आखत आहे. 

काँग्रेस नेत्याची 'दे धुलाई', मुलींची छेड काढल्याचा आरोप

सर्वेनुसार जगभरातील विकसित आणि विकसनशील देशांनी 8 ऑक्टोबरपर्यंत 3.8 अब्ज कोरोना डोसची बूकींग करून ठेवली होती. तसेच अजून 5 अब्ज कोरोना डोसच्या खरेदीची चर्चा सुरु आहे.  

कुणी किती कोरोना डोस खरेदी केल्या-

कॅनडाने लोकसंख्येच्या पाचपट अधिक डोस बुक केले आहेत. युनायटेड किंग्डमने लोकसंख्येपेक्षा सुमारे अडीचपट अधिक लस खरेदी करण्याचा करार केला आहे. 

'बाबा का ढाबा' फेमस करणाऱ्या यू-ट्यूबर विरोधातच बाबांची पोलिसांत तक्रार; जाणून घ्या कारण
 
भारतातील कोरोनाच्या प्रभाव होतोय कमी-
देशात कोरोनाचा रुग्ण काही प्रमाणात कमी होताना दिसत आहेत. मागील 24 तासांत देशात कोरोनाने 496 जणांचा मृत्यू झाला असून 45 हजार 230 नवीन रुग्णांचे निदान झाले आहे. त्यामुळे आतापर्यंत देशात 82 लाख 29 हजार 313 जणांना कोरोनाची बाधा होऊन 1 लाख 22 हजार 607 रुग्णांचा मृत्यू झाला आहे.

(edited by- pramod sarawale)