आतापर्यंत सर्वाधिक महाराष्ट्रात ओमिक्रॉनच्या ४६० रुग्णांची नोंद झाली आहे. तर त्याखालोखाल दिल्लीत ३५१ ओमिक्रॉनचे रुग्ण आढळले आहेत.
भारतात (India) कोरोना (Corona) रुग्णांच्या संख्येत पुन्हा एकदा वाढ होत आहे. गेल्या २४ तासात देशात तब्बल २७ हजार ५५३ नवे रुग्ण सापडले आहेत. तर दिवसभरात २८४ जणांचा मृत्यू झाला आहे. वेगाने पसरणाऱ्या ओमिक्रॉन व्हेरिअंटच्या (Omicron Variant) रुग्णांची संख्या १५२५ इतकी झाली आहे. यात सर्वाधिक महाराष्ट्रात (Maharashtra) ४६० रुग्णांची नोंद आहे. तर त्याखालोखाल दिल्लीत (Delhi) ३५१ ओमिक्रॉनचे रुग्ण आढळले. गुजरात, तामिळनाडु, केरळमध्ये ओमिक्रॉनचे प्रत्येकी १०० हून अधिक रुग्ण आहेत.
देशातील एकूण १५२५ ओमिक्रॉन बाधितांपैकी ५६० जण बरे होऊन घरी परतले आहेत. सध्या ओमिक्रॉनच्या पार्श्वभूमीवर देशातील अनेक राज्यांमध्ये नाइट कर्फ्यू लागू आहे. तर महाराष्ट्रात काही निर्बंधसुद्धा लागू केले आहेत.
भारतात आतापर्यंत ३ कोटी ४२ लाख ८४ हजार ५६१ जणांनी कोरोनावर मात केली आहे. तर ४ लाख ८१ हजार ७७० जणांचा मृत्यू झाला आहे. सध्या देशात १ लाख २२ हजार ८०१ जण कोरोनावर उपचार घेत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.