Coronavirus Cases in India Today : भारतामध्ये कोरोना रुग्णांच्या आणि मृताची संख्येत स्थिरता दिसत नाही. रुग्ण आणि मृताच्या संख्येत चढउतार दिसत आहे. केंद्रीय आरोग्य मंत्रायानं दिलेल्या ताज्या आकडेवारीनुसार, बुधवारी देशात दोन लाख 76 हजार 110 नवीन रुग्ण आढळले आहेत. तर तीन हजार 874 जणांचा मृत्यू झालाय. याच कालावधीत तीन लाख 69 हजार 77 जणांनी कोरोनावर मात केली. याआधी मंगळवारी 2.67 लाख, सोमवारी 2.63 नवीन कोरोना रुग्ण आढळले होते.

केंद्रीय आरोग्य मंत्रालयानं दिलेल्या माहितीनुसार, बुधवारपर्यंत देशभरात 18 कोटी 70 लाख 9 हजार 792 कोरोना डोस देण्यात आले आहेत. बुधवारी देशभरात 11 लाख 66 हजार 90 जणांचं लसीकरण पूर्ण झालं आहे. देशात आतापर्यंत 32 कोटीपेक्षा जास्त जणांच्या कोरोना चाचण्या झाल्या आहेत. बुधवारी जवळपास 20 लाख कोरोना चाचण्या घेण्यात आल्या आहेत. कोरोना पॉझिटिव्ह दर 13 टक्के जास्त आहे.

देशातील ताजी कोरोना स्थिती -

एकूण कोरोना रुग्ण - 2,57,72,400

एकूण कोरोनामुक्त - 2,23,55,440

उपचाराधीन रुग्ण - 31,29,878

एकूण मृत्यू - 2,87,122

देशातील कोरोना मृत्यूदर 1.11 टक्के आहे. तर रिकव्हरी रेट टक्केंपेक्षा जास्त आहे. देशातील उपचाराधीन रुग्णांच्या संख्येत दररोज घट होत असून याची टक्केवारी 13 इतकी आहे. उपचाराधीन रुग्णांच्या संख्येत भारत जगात दुसऱ्या क्रमांकावर आहे.