नवी दिल्ली : देशातील कोरोना विषाणूचो वाढते संक्रमण कमी होण्याची चिन्हे दिसत नाही. मागील 24 तासांत देशात 11, 458 नवे रुग्ण आढळले असून देशातील कोरोनाग्रस्तांचा आकडा हा 3,08,993 वर पोहचला आहे. एका दिवसात सर्वाधिक नवे रुग्ण आढळल्याचा हा विक्रमी आकडा आहे. मागील 24 तासांत 386 जणांच्या मृत्यूची नोंद झाली आहे. सध्याच्या घडीला देशात 1,45,779 रुग्ण असून 1,54,330 रुग्ण कोरोनामुक्त झाले आहेत. देशात आतापर्यंत 8,884 लोकांचा कोरोनामुळे मृत्यू झाला आहे.   
केंद्रीय आरोग्य मंत्रालयाच्या 13 जून 2020 च्या आकडेवारीनुसार,  महाराष्ट्र राज्यात कोरोना विषाणूची लागण झालेले सर्वाधिक रुग्ण आहेत.

कोरोनाच्या रुग्णावर पहिली यशस्वी शस्त्रक्रिया, भारतीय वंशाच्या डॉक्टरने बजावली प्रमुख भूमिका

राज्यातील कोरोनाग्रस्तांच्या आकड्याने लाखाचा टप्पा पार केला असून दिवसागणिक याच्यात वाढच होताना दिसत आहे. त्यापाठोपाठ तमिळनाडू राज्याचा नंबर लागतो. याठिकाणी 40 हजारहून अधिक कोरोनाचे रुग्ण आढळले आहेत. देशाची राजधानी असलेल्या दिल्लीत 36 हजारहून अधिक तर गुजरातमधील कोरोनाग्रस्तांचा आकडा हा 22 हजारहून अधिक आहे. एका दिवसात 11 हजारहून अधिक रुग्ण आढळल्याची आतापर्यंतची पहिली वेळ असून ही बाब प्रशासन आणि सरकारचे डोकेदुखी वाढवणारी अशीच आहे. 

कोरोनावरील लस पुढच्या सहा महिन्यांत शक्य; संशोधन शेवटच्या टप्प्यात

जगभरात कोरोनाची दहशत पाहायला मिळत असून यावर नियंत्रण मिळवण्यासाठी अनेक देशांनी लॉकडाउनचा निर्णय घेतला होता. देशात दोन महिन्याहून अधिक काळ लॉकडाउन असला तरी कोरोनाग्रस्तांच्या आकड्यात उतार आल्याचे दिसत नाही. कोरोनाजन्य संकटाचा सामना करण्यासाठी घेण्यात आलेल्या लॉकडाउनमुळे आर्थिक समस्या अधिक चिंताजनक बनली असून हे संकट टाळण्यासाठी वेगवेगळ्या भागात लॉकडाउनमध्ये सूट देण्यात आली आहे.  एकीकडे लॉकडाउन उठवण्याच्या हालचाली सुरु असताना चंदीगडमध्ये परिस्थिती पुन्हा निर्बंधमय होताना दिसतेय. कोरोना विषाणूचा वाढता धोका लक्षात घेत चंदिगडमध्ये आंतरराज्यातील बस सेवा पूर्णत: स्थगित करण्यात आली आहे.