देशात कोरोना रुग्णांच्या आकडेवारीमध्ये मोठी घट झाल्याचं पाहायला मिळतंय. त्यानुसार मागच्या काही दिवसांमध्ये रोज आढळणाऱ्या कोरोना रुग्णांची संख्या जवळपास साडेतीन लाखांवर जाऊन पोहोचली होती. या नव्या रुग्णांच्या संख्येत आता कमालीची घट झाली आहे. काल दिवसभरात 2 लाख 55 हजार 874 नवे रुग्ण आढळून आले आहेत. रविवारच्या तुलनेत ही आकडेवारी तब्बल 50 हजारांनी घटली असल्याने हा मोठा दिलासा आहे.

कोरोनाच्या तिसऱ्या लाटेत अनेकांना सौम्य लक्षणं आढळून येत आहेत. काल दिवसभरात जवळपास 2 लाख 67 हजार 753 लोक कोरोनामुक्त झालेत. तर 614 रुग्णांचा मृत्यू झाला. त्यामुळे सध्या देशात 22 लाख 36 हजार 842 सक्रीय रुग्ण आहेत. तर कोरोनाबाधित होण्याचा दर आता 15.52 टक्क्यांवर पोहोचला आहे.

कोरोना रुग्णांच्या संख्येत घट होत असली तरी, देशभरातील विविध राज्यांत हवामान बदलामुळे साथीचे आजार होत असल्याचं दिसतंय.