गेल्या सात दिवसांपासून रशिया-युक्रेनदरम्यान युद्ध सुरू आहे. तेथे अनेक देशांतली लोकं अडकली आहेत. त्यात भारतीयांचाही समावेश आहे. युक्रेनमध्ये अडकलेल्या भारतीय विद्यार्थ्यांना परत आणण्यासाठी सरकारचे शर्थीचे प्रयत्न सुरू आहेत. त्यासाठी सरकार ऑपरेशन गंगा (Operation Ganga) या उपक्रमाद्वारे मुलांना विशेष विमानाद्वारे भारतात आणत आहे. आता भारतीय रेल्वेही यासाठी मदत करण्यासाठी सरसावली आहे.

रेल्वेचा स्पेशल काऊंटर

युक्रेनमधून येणारे विद्यार्थी तसेच इतर प्रवाशांच्या मदतीसाठी भारतीय रेल्वेने मुंबईच्या छत्रपती शिवाजी महाराज आंतरराष्ट्रीय विमानतळावर एक विशेष आरक्षण काउंटर आणि हेल्प डेस्क सुरू केला आहे.रेल्वे मंत्रालयाने दिलेल्या माहितीनुसार, भारतीय रेल्वेने विमानतळाच्या टर्मिनल 2 च्या गेट क्रमांक 4 जवळ लेव्हल P4 येथे हा डेस्क उभारला आहे. केंद्र सरकारसोबतच देशातील विविध राज्यांचे सरकारही युक्रेनमध्ये अडकलेल्या आपापल्या राज्यातील विद्यार्थी आणि नागरिकांना परत आणण्यासाठी सातत्याने प्रयत्न करत आहेत.