चांद्रयान-2 मोहिमेनंतर भारताने आपली अवकाश मोहिम जोमाने पुढे सुरू ठेवली आहे. चांद्रयान-2 मोहिम पूर्णपणे यशस्वी झाली नसली तरी त्यामुळे अवकाश क्षेत्रात भारताचा असणारा दबदबा काही कमी झालेला नाही, हे आज पुन्हा एकदा सिद्ध झाले. 

- ताज्या बातम्यांसाठी डाऊनलोड करा ई-सकाळच ऍप

भारतीय अवकाश संशोधन संस्था (इस्रो)ने बुधवारी (ता.11) श्रीहरीकोटा येथील सतीश धवन अवकाश केंद्रावरून रडार इमेजिंग अर्थ ऑब्झर्वेशन सॅटेलाईट रिसॅट-2बीआर1 चे प्रक्षेपण केले. या उपग्रहाचे प्रक्षेपण पीएसएलव्ही रॉकेटद्वारे करण्यात आले. पीएसएलव्ही रॉकेटद्वारे करण्यात आलेले हे 50 वे प्रक्षेपण ठरले आहे.

- भारताचा विकासदर मंदावणार : एडीबी

रिसॅट-2बीआर1 उपग्रहाचे वजन 628 किलो असून रिसॅट-2बी मालिकेतील हा दुसरा उपग्रह आहे. या वर्षाच्या सुरवातीला रिसॅट-2बीचे प्रक्षेपण करण्यात आले होते. रिसॅट-2बी उपग्रहाचे वैशिष्ट्य म्हणजे हे उपग्रह प्रामुख्याने हेरगिरी करण्यासाठी वापरले जातात.

- विश्वसुंदरीचं बॉलिवूडमध्ये 10 वर्षांनी कमबॅक !

27 नोव्हेंबरला इस्रोने कार्टोसॅट-3 या उपग्रहाचे प्रक्षेपण केले होते. आज प्रक्षेपित करण्यात आलेल्या रिसॅट-2बीआर1 या उपग्रहासोबत आणखी 9 उपग्रह अवकाशात सोडण्यात आले आहेत. यामध्ये सहा उपग्रह अमेरिका, इस्रायल, इटली आणि जपान यांचा प्रत्येकी एका उपग्रहाचा समावेश आहे. 

- 'त्या' मुलाला पाहून नुसरत जहां यांनी मारली मिठी !

चांद्रयान-2 या महत्त्वाकांक्षी मोहिमेनंतर इस्रो गगनयान या पुढच्या मोहिमेच्या तयारीला लागले आहे. या मोहिमेंतर्गत इस्रो पहिल्यांदाच तीन भारतीयांना अवकाशात पाठविणार आहे.