बंगळूर : कर्नाटकात विधानसभेच्या 15 जागांवर झालेल्या पोटनिवडणुकीचा आज (सोमवार) निकाल लागणार असून, मुख्यमंत्री बी. एस. येडियुरप्पा यांचे भवितव्य ठरणार आहे. सुरवातीच्या कलानुसार 15 पैकी 8 जागांवर भाजप आघाडीवर आहे.

ताज्या बातम्यांसाठी डाऊनलोड करा ई-सकाळच अॅप

कर्नाटकमधील एच. डी. कुमारस्वामी यांचे सरकार कोसळल्यानंतर येडियुरप्पा यांच्या नेतृत्वाखालील सरकार सत्तेत आले होते. आमदारांच्या बंडखोरीनंतर होत असलेल्या विधानसभेच्या 15 जागांवरील पोटनिवडणुकीचा निकाल लागणार आहे. येडियुरप्पा सरकार तरणार का, हे आज पाहावे लागणार आहे. कर्नाटक विधानसभेच्या 15 मतदारसंघांसाठी पोटनिवडणुकीत सुमारे 66.49 टक्के मतदान झाले होते. येडियुरप्पा यांच्या नेतृत्वाखालील भाजप सरकारच्या स्थैर्यासाठी ही निवडणूक अत्यंत महत्त्वाची असल्याने किमान सहा जागी विजय मिळविणे आवश्‍यक आहे.

पंतप्रधान नरेंद्र मोदींचे 'मौनाचे प्रयोग'

जेडीएसचे नेते एच.डी. कुमारस्वामी यांच्या नेतृत्वाखालील सरकार असताना काँग्रेस आणि जेडीएसमधील 17 आमदारांनी बंडखोरी शस्त्र उपसले होते. बंडखोरीमुळे कुमारस्वामी यांचे सरकार जुलै महिन्यात कोसळले. त्यानंतर कर्नाटकात मुख्यमंत्री बी.एस. येडियुरप्पा यांच्या नेतृत्वाखाली भाजपने सरकार स्थापन केले. 224 सदस्यसंख्या असलेल्या कर्नाटक विधानसभेच संख्याबळ 17 आमदारांच्या बडतर्फीनंतर 208 वर आले होते. त्यानंतर येडियुरप्पा यांनी विश्वासदर्शक ठराव जिंकला होता. सध्या भाजपाचे 105 आमदार आहेत. 

अमृता फडणवीस शिवसेनेवर भडकल्या; 'शिवसेना कमिशन खोर'