Karnataka Election Result 2023 : भाजपविरोधातील (BJP) बंडखोरी माजी मुख्यमंत्री जगदीश शेट्टर यांना महागात पडली आहे. हुबळी धारवाडमधून जगदीश शेट्टर (Jagadish Shettar) यांचा पराभव झाला आहे.

शेट्टर हे भाजप सरकारमध्ये मुख्यमंत्री राहिले आहेत. मात्र, तिकीट न मिळाल्यानं नाराज होऊन त्यांनी यावेळी पक्ष सोडला आणि काँग्रेसमध्ये प्रवेश केला. काँग्रेसनं त्यांना त्याच हुबळी धारवाड मतदारसंघातून (Hubli Dharwad Constituency) उमेदवारी दिली, जिथं ते भाजपच्या तिकिटावर आमदार होते.

मात्र, शेट्टर यांना पराभवाला सामोरे जावे लागले आहे. त्यामुळं कर्नाटकात पराभव झाला तरी हा विजय भाजपला सुखावणारा असाच आहे. सध्या कर्नाटकात काँग्रेसनं स्पष्ट बहुमताचा आकडा पार केला आहे.