केरळमधील विमान अपघाताचे नमकं कारण काय? हे अदयाप समोर आलेलं नाही. ब्लॅक बॉक्स उपकरणाच्या माध्यमातून यासंदर्भातील अधिक माहिती मिळू शकते. दरम्यान  हवाई वाहतूक नियंत्रण कक्षानुसार लँडींगचा दुसरा प्रयत्न झाला होता, अशी माहिती समोर आली आहे. flightradar24 ने यासंदर्भातील माहिती दिली आहे. वैमानिकाने सुरुवातीला लँडिग टाळले. अपघात झाला त्यावेळी विमानाचे दुसरे लँडिग होते.

मोठी बातमी : विमानाचा ब्लॅक बॉक्स सापडला; अपघाताचे कारण होणार स्पष्ट!

धावपट्टीवर पाणी असल्यामुळे लँडिंग करणे धोकादायक असल्याचे लक्षात घेऊनच वैमानिकाने हा निर्णय घेतला असावा. दुसऱ्या प्रयत्नात लँडिंग झालेले विमान धावपट्टीवरुन घसरले अन् थेट दिरीत जाऊन कोसळले. अपघात इतका भीषण होता की विमानाचे दोन तुकडे झाले. मृतांमध्ये दोन पायलटसह बहुंताश हे विमानाच्या समोरच्या बाजूला बसलेले होते. विमानाने पेट न घेतल्यामुळे उर्वरित प्रवाशांचा धोका टळला. केंद्रीय नागरी उड्डान मंत्री हरदीप पुरी यांनी ट्विटवरुन या अपघाताची माहिती दिली होती. तुफान पाऊस असल्यामुळे धावपट्टीवर साचलेल्या पाण्यामुळे विमान ट्रॅकवरुन घसरुन हा अपघात झाला. विमान 35 फूट खोल दरीत कोसळून झालेल्या अपघातात दोन वैमानिकांसह 17 जणांचा मृत्यू झाला आहे.  

'टेबलटॉप' आहे कोझिकोडची धावपट्टी; लँडिंगसाठी समजली जाते धोकादायक

अपघाताच्या ठिकाणी विमानातील ब्लॅक बॉक्स हे उपकरण सापडले आहे. या उपकरणाच्या माध्यमातून अपघातासंदर्भात आणखी कोणती माहिती समोर येणार हे पाहावे लागेल. देशातील सर्वाधिक धोकादायक धावपट्टीपैकी कोझिकोडेची धावपट्टी एक आहे. हा विमान अपघात ज्या धावपट्टीवर घडला त्या धावपट्टीला टेबल टॉप रनवे असे संबोधले जाते. पठारावरील मोकळ्या जागेत असलेल्या  धावपट्टीचा आधार घेत विमान जमिनीवर उतरणे मोठे आव्हानात्मक असते. यासाठी विशेष प्रशिक्षणाची गरज असते. या अपघातानंतर आता याबबात काही महत्त्वपूर्ण पावले उचलण्यात येणार का? हे पाहणे महत्त्वाचे ठरेल.