देहरादून : हरिद्वारमध्ये कुंभमेळ्याचं आयोजन होत आहे. कोरोना महासंकटाच्या पार्श्वभूमीवर या कुंभमेळ्याचं आयोजन करणं धाडसाचंच पाऊल ठरणार आहे. कोरोनाची आव्हानात्मक परिस्थिती पाहता या कुंभमेळ्याबाबत अनेक प्रश्न उपस्थित होत असून स्थानिक प्रशासन देखील याबाबत काही नियमावली करत आहे. आता समोर आलेल्या नव्या माहितीनुसार, हरिद्वारच्या या कुंभमेळ्याचा कालावधी कमी करुन तो 1 महिन्याचा करण्यात आला आहे. कुंभमेळ्यांच्या आजवरच्या इतिहासात असा बदल पहिल्यांदाच करण्यात आला आहे. याबरोबरच खबरदारीचा उपाय म्हणून या मेळ्यात सहभागी होऊ पाहणाऱ्या यात्रेकरुंना कोरोनाचा निगेटीव्ह अहवाल सादर करणे अनिवार्य असणार आहे.
उत्तराखंडमधील हरिद्वारमध्ये गंगेच्या तीरावर हा कुंभमेळा पार पडणार आहे. आता या मेळ्याचा कालावधी 1 एप्रिल ते 30 एप्रिल असा करण्यात आला आहे. यामध्ये तीन शाही स्नान पार पडणार आहेत. 12, 14 आणि 27 एप्रिलला हे शाही स्नान असणार आहे. या शाही स्नानाच्या दिवशी भक्त मोठ्या प्रमाणावर गंगेत स्नान करतात. तसेच 13 एप्रिल रोजी चैत्र प्रतिपदेला आणि 21 एप्रिल रोजी राम नवमी रोजी मोठ्या प्रमाणावर गर्दी होण्याची शक्यता देखील प्रशासनाकडून व्यक्त करण्यात आली आहे.
तब्बल 12 वर्षांतून एकदा आयोजित होणाऱ्या या कुंभमेळ्यामध्ये मोठ्या प्रमाणावर देशातले भाविक सामील होतात. हा कुंभमेळा साधारण तीन ते साडेतीन महिन्यांचा असतो. मात्र आता कोरोनाच्या परिस्थितीमुळे हा कुंभमेळा एकच महिन्यांचा असणार आहे. मागच्या वेळी हरिद्वारमध्ये असा कुंभमेळा 14 जानेवारी ते 28 एप्रिल 2010 या दरम्यान आयोजित करण्यात आला होता. या कुंभमेळ्यात सहभागी होण्यासाठी 72 तासांच्या दरम्यानची कोरोनाची निगेटीव्ह अहवाल असलेली RT-PCR टेस्ट सादर करणे अनिवार्य असल्यांचं उत्तराखंड हायकोर्टाने म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.