आग विझवण्यासाठी पोलिसांनी सिलिंडरवर पाणी टाकताच त्याचा स्फोट झाला.
औरंगाबाद : बिहारमधील औरंगाबादमध्ये (Aurangabad Bihar) गॅस सिलिंडरचा स्फोट (LPG Cylinder) होऊन 7 पोलिसांसह 30 जण दगावले. यापैकी 10 जणांची प्रकृती चिंताजनक आहे. शुक्रवारी रात्री अडीच वाजता ही घटना घडली.
नगर पोलीस ठाण्याच्या हद्दीतील साहेबगंज परिसरातील प्रभाग क्रमांक 24 मधील अनिल गोस्वामी यांच्या घरी छठ पूजा सुरू होती. घरातील सर्व सदस्य प्रसाद बनवण्यात व्यस्त होते. त्यानंतर अचानक गॅस गळतीमुळं आग लागली. यानंतर परिसरात आरडाओरड झाली आणि परिसरातील नागरिकांनी आग विझवण्यास सुरुवात केली.
दरम्यान, गस्तीवर असलेले पोलिसांचे पथकही तिथं पोहोचलं. आग विझवण्यासाठी पोलिसांनी सिलिंडरवर पाणी टाकताच त्याचा स्फोट झाला. सध्या जखमींवर सदर रुग्णालयात उपचार सुरू आहेत. मात्र, यापैकी 10 जणांना चांगल्या उपचारांसाठी रेफर करण्यात आलं आहे. डॉक्टरांच्या म्हणण्यानुसार, या सर्वांवर प्राथमिक उपचार करण्यात आले असून त्यांची प्रकृती सामान्य आहे. त्याचबरोबर अशा प्रसंगी सावध राहण्याचं आवाहन जिल्हा प्रशासनानं केलंय.
महिला कॉन्स्टेबल प्रीती कुमारी, डीएपी अखिलेश कुमार, जगलाल प्रसाद सैफ, जवान मुकुंद राव जगलाल प्रसाद, ड्रायव्हर मोहम्मद मुअज्जम, साहेबगंज परिसरातील नगर परिषद अध्यक्षपदाचे उमेदवार अनिल ओडिया, राजीव कुमार, शबदीर, अस्लम, सुदर्शन, एरियन गोस्वामी, छोटू आलम, अनिल कुमार, शाहनवाज यांच्यासह 30 हून अधिक लोक जखमी झाले. यातील सुमारे 10 जणांची प्रकृती गंभीर असल्याचं सांगण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.