नवी दिल्ली : जगभरात कोरोना व्हायरसने धुमाकूळ घालायला सुरवात केल्यानंतर पंतप्रधान नरेंद्र मोदी यांनी देशात लॉकडाऊनची घोषणा केली. लॉकडाऊन काळात जीवनावश्यक वस्तूंमुळे नागरिकांचे हाल होऊ लागले आहेत. गुगलने नागरिकांची हिच गरज ओळखत गुगल पेच्या माध्यमातून खास सेवा सुरू केली आहे.

नवरदेवाला कोरोना झाल्याचे समजले अन्...

भारतात 3 मे पर्यंत लॉकडाऊनची घोषणा पंतप्रधान नरेंद्र मोदी यांनी केली आहे. लॉकडाऊनमुळे घरात अडकलेल्या नागरिकांसाठी गुगलने Nearby Spot लाँच केले आहे. गूगल पे च्या माध्यमातून ही सेवा दिली जात आहे. यामध्ये स्थानिक भागात जवळपास सुरू असलेली किराणामालाची दुकाने आणि इतर अत्यावश्यक वस्तूंची दुकाने यांची माहिती मिळणार आहे. सध्या बंगळूरमध्ये ही सेवा सुरू करण्यात आली आहे. लवकरच ही सेवा हैद्राबाद, चेन्नई, मुंबई, पुणे आणि दिल्लीत सुरू होणार आहे.

Video: केंद्रीय मंत्र्याच्या मुलाने केली वडिलांची दाढी

लॉकडाऊन आणि सोशल डिस्टनसिंगच्या नियमामुळे डिजिटल पेमेंट महत्वाचे ठरते आहे. गूगल पे आता यामध्येच डिजिटल पेमेंटशिवाय लोकांना कोरोनाच्या संकटकाळात मदतीसाठी पुढे आले आहे. फक्त अत्यावश्यक सेवेबद्दलच नाही तर देशाच्या आरोग्य विभागाकडून देण्यात येणारी माहितीसुद्धा गूगल पे देत आहे. PM CARES fund, मुख्यमंत्री सहाय्यता निधी यासह इतर मदतीसाठी COVID 19 SPOT तयार केला आहे.

'हातात पैसे नसताना गरीब कसे जगू शकतात?'

गूगल पेवरून PM CARES मध्ये 105 कोटी रुपये लोकांनी जमा केले आहेत. गुगलने योग्य आणि अचूक माहिती भारतीय लोकांपर्यंत पोहोचवण्यासाठी काही पावले उचलली आहेत. त्यामध्ये अधिकृत माहिती देणे, सध्याच्या काळात उपयोगी पडेल, अशी माहिती देण्यावर कंपनी भर देत आहे.

दारू-दारू करतच नको ते प्यायला अन्...