कोरोनाची लस घेतल्याने कोणी बोलू लागले तर कोणाची गुडघेदुखी दूर झाली. यामुळे एकदा दोनदा नव्हे तर तब्बल १७ वेळा लस घेतल्याचा दावा एकाने केला. असे एक ना अनेक किस्से एकायला मिळत आहे. आता कोरोना लसीने फरार झालेल्या जोडप्याचा पत्ता दिला. या जोडप्याचा शोध पोलिस तीन वर्षांपासून घेत होती. ही घटना राजस्थानच्या जोधपूरमध्ये घडली.
२०१९ मध्ये मगरा पुंजाला येथील गांधीनगरमध्ये राहणारा तरुण आयटीआयला जात असल्याचे सांगून घरातून निघून गेला होता. खरं तर तो शेजारी राहणाऱ्या मुलीसोबत फरार झाला होता. मुलगी बेपत्ता झाल्यानंतर नातेवाइकांनी पोलिस ठाण्यात (police) तक्रार दाखल केली होती. पोलिसांनी उत्तर प्रदेश, हरियाणा, दिल्ली आदी ठिकाणी दोघांचा शोध घेतला होता. मात्र, ते सापडले नाहीत.
मुलीला घेऊन फरार झाल्यानंतर मुलगा झोमॅटोमध्ये फूड डिलिव्हरीचे काम करायचा. पोलिसांनी झोमॅटो कंपनीकडेही चौकशी केली. मात्र, त्याचा पत्ता लागला नाही. या गोष्टीला तीन वर्षे उलटून गेली. अचानक एक दिवशी मुलीच्या कुटुंबीयांच्या मोबाईलवर मेसेच आला. यामध्ये दोघांनी चंदीगडमध्ये कोरोनाची लस घेतल्याचे समजले. मुलीचे आधारक्रमांक घरच्या मोबाईल नंबरशी लिंक केले होते. अशा स्थितीत घरच्यांच्या मोबाईलवर मेसेज आला. कुटुंबीयांनी तत्काळ याची माहिती पोलिसांना दिली. पोलिसांनी चंदीगड गाठून दोघांनाही जोधपूरला घरी आणले.
कोरोनाच्या काळातही ते परतले नाही
जोधपूरमधून पळून गेल्यानंतर हे प्रेमीयुगुल (lovers) प्रथम दिल्लीत पोहोचले. त्यानंतर दोघेही चंदीगडमध्ये (Rajasthan) राहू लागले. चंदीगडमध्ये दोघांनी लग्न केले आणि भाड्याची खोली घेऊन राहू लागले. यानंतर दोघेही तिथे काम करू लागले. कोरोनाच्या काळातही दोघेही घरी परतले नाही. शासनाकडून मिळणारे रेशन वगैरे घेऊन जगत राहिले. मात्र, कोरोना लसीच्या नोंदणीमुळे दोघांनाही पोलिसांनी पकडले.
उच्च न्यायालयाने पोलिसांना फटकारले
दोघांचा शोध घेण्यात पोलिसांना अपयश आल्यावर कुटुंबीयांनी राजस्थान उच्च न्यायालयात याचिका दाखल केली. या याचिकेच्या सुनावणीत न्यायालयाने पोलिसांना चांगलेच फटकारले होते. तसेच दोघांना लवकरच न्यायालयात हजर करण्याचे आदेश दिले होते. मात्र, पोलिसांना ते सापडतच नव्हते. हायकोर्टात पुन्हा सुनावणी होण्यापूर्वीच कोरोना लसीमुळे पोलिसांचे काम सोपे झाले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.