प्रियकर प्रेयसीला भेटण्यासाठी गेला. मात्र, दाट धुक्यामुळे विहिरीत पडला. प्रियकर विहिरीत पडल्याचे (Lovers fell into the well) पाहून प्रेयसीने बाहेर काढण्याचा प्रयत्न केला; परंतु, यश आले नाही. प्रियकराला विहिरीतून बाहेर काढता न आल्याने ती विहिरीजवळ बसून रडू लागली. आरडाओरडा ऐकून आजूबाजूचे लोकही जमा झाले. ही घटना उत्तर प्रदेशची राजधानी लखनौमधील बिजनौरमधील माटी परिसरात रविवारी घडली.

माटी परिसरात रविवारी रात्री प्रियकर प्रेयसीला भेटण्यासाठी पोहोचला. मात्र, धुक्यामुळे काहीही स्पष्ट दिसत नव्हते. अशात प्रियकर रस्त्याच्या कडेला बांधलेल्या विहिरीत (Lovers fell into the well) पडला. प्रियकर विहिरीत पडल्याची माहिती मिळताच प्रेयसीने विहिरीकडे धाव घेतली. प्रियकर ४० फूट खोल विहिरीत पडल्याचे पाहून ती घाबरली. पकडले जाण्याच्या भीतीने प्रेयसीने गुपचूप प्रियकराला विहिरीतून बाहेर काढण्याची युक्ती अवलंबली. मात्र यश मिळाले नाही.

अनेक प्रयत्न करूनही ती त्याला बाहेर काढू शकली नाही. बराच वेळ प्रयत्न करूनही प्रियकराला विहिरीतून काढू न शकल्याने ती विहिरीजवळ बसून रडू लागली. आरडाओरडा ऐकून आजूबाजूचे काही लोक जमा झाले. गावातील लोकांनी विचारल्यानंतरही ती काहीही बोलायला तयार नव्हती.

वारंवार विचारणा केल्यावर तिने संपूर्ण घटना (Lovers fell into the well) सांगितली. यानंतर लोकांनी पोलिसांना घटनेची माहिती दिली. माहिती मिळताच पोलिसांनी घटनास्थळ गाठून विहिरीत दोर टाकून तरुणाला बाहेर काढले. पोलिसांनी दिलेल्या माहितीनुसार, विहिरीत पाणी नसणे तरुण वाचला. अन्यथा तरुणाचे प्राण वाचवणे कठीण झाले असते.