बंगळुरू : एका ३८ वर्षीय व्यक्तीने आपल्या पत्नीवर काठीने हल्ला केला. इतकेच नाहीतर तिच्यावर उकळते तेल फेकले. लहान मुलगी आपल्या आईच्या बचावासाठी पुढे आली, तर नराधमाने तिलाही सोडले नाही. बंगळुरूमध्ये (Bengaluru) ही धक्कादायक घटना घडली आहे.

बंगळुरूच्या अडुगोडीजवळील एलआर नगरमध्ये हे जोडपं राहतंय. पती थॉमसने आपल्या पत्नीला सांगितले की तो पाणी गरम करण्यासाठी स्वयंपाकघरात जात आहे. पण, त्याने पाण्याऐवजी भांड्यात तेल गरम केले. त्यानंतर लाकडी काठी घेऊन अँथोनीअम्मा बसली होती त्याठिकाणी गेला. तिला लाकडी काठीने मारहाण केली. त्यातच ती बेशुद्ध झाली. त्यानंतर तो किचनमध्ये गेला आणि उकळते तेल तिला जीवंत मारण्याच्या हेतून तिच्या अंगावर फेकले. त्यामुळे महिला जोराने किंचाळली. आईच्या ओरडण्याचा आवाज ऐकून १३ वर्षीय मुलगी झोपेतून जागी झाली. वडील मुलीसोबत काय करत आहेत हे तिने पाहिले आणि आईला वाचवण्यासाठी पुढे गेली. तर नराधम बापाने कसलाही विचार न करता मुलीच्या अंगावरही तेल फेकले. आई आणि मुलीच्या ओरडण्यामुळे शेजारी धावत आले. त्यानंतर त्यांनी आरोपीला घराबाहेर काढले. त्यानंतर दोघी माय-लेकींना रुग्णालाय हलवण्यात आले, अशी माहिती पोलिसांनी दिली.