Manipur Violence: मणिपूरमध्ये मानवतेला काळीमा फासणारी घटना घडली आहे. दोन महिलांना विवस्त्र करुन धिंड काढण्यात आली. या घटनेवर पंतप्रधान नरेंद्र मोदी यांनी देखील संताप व्यक्त केला आहे. सुप्रीम कोर्टाचे सरन्यायाधीश डी वाय चंद्रचूड यांनी देखील संताप व्यक्त केला. तसेच मणिपूर आणि केंद्र सरकारला फटकारले. दरम्यान मुख्यमंत्री एन बिरेन सिंह यांनी मोठे विधान केले आहे.  

मुख्यमंत्री एन बिरेन सिंह म्हणाले, "हे अत्यंत अपमानास्पद आणि अमानवी कृत्य आहे.  दोन महिलांबद्दल माझ्या संवेदना आहे. काल समोर आलेल्या व्हिडिओमध्ये दाखवल्याप्रमाणे. व्हिडिओ समोर येताच या घटनेची स्वतःहून दखल घेतली. मणिपूर पोलिसांनी आज सकाळी प्रथम कारवाई केली आणि त्यांना अटक केली." (latest marathi news)

"सध्या या प्रकरणाची चौकशी सुरू आहे आणि आम्ही हे सुनिश्चित करू की आरोपींना फाशीच्या शिक्षेचा आम्ही विचार करु. आपल्या समाजात अशा घृणास्पद कृत्यांना अजिबात स्थान नाही," असे मुख्यमंत्र्यांनी स्पष्ट केले.

मणिपूरमधील या घटनेची सर्वोच्च न्यायालयाने स्वत:हून दखल घेतली आहे. सुप्रीम कोर्टाने नाराजी व्यक्त करत आरोपींवर कडक कारवाई करण्याचे निर्देश दिले. यावेळी सरन्यायाधीश चंद्रचूड म्हणाले की, हिंसाग्रस्त भागात महिलांचा वस्तू सारखा वापर केला जात आहे. याला जबाबदार असणाऱ्यांवर काय कारवाई झाली हे सांगितले पाहिजे? पुढील आठवड्यात शुक्रवारी सर्वोच्च न्यायालयात या प्रकरणावर सुनावणी होणार आहे.