मुरादाबाद : उत्तर प्रदेशच्या मुरादाबादमध्ये (moradabad) हाेणा-या वधूची (bride) तिच्याच वाग्दत वराने (groom) गळा आवळून खून केल्याची घटना नुकतीच घडली आहे. लग्नास (wedding) पाच दिवस बाकी असताना हा प्रकार झाल्याने वधूच्या कुटुंबिय शाेकसागरात बुडाले आहेत. दरम्यान पाेलिसांनी संशियतास अटक (arrests) केली असून हा खून विवाह (marriage) मान्य नसल्याच्या कारणातून झाल्याची प्राथमिक माहिती उघड हाेत आहे. (moradabad-fiance-kills-woman-days-before-wedding-crime-news)

टीना आणि जतीन यांच्यात प्रेमसंबंध हाेते. त्यातूनच या दाेघांचा विवाह ठरला हाेता. हा विवाह मुरादाबाद येथे हाेणार हाेता. परंतु जतीला विवाह मान्य नसल्याचे कारण पुढे करीत त्याने टीनाचा खून केल्याचा आराेप तिच्या कुटुंबियांनी केला आहे. सोमवारी (ता.14) टीनाला जतीनचा फोन आला हाेता. त्याने आपल्याला लग्नासाठी काही साड्या खरेदी करायच्या आहेत असे सांगून तिला भेटण्यास बोलावले. सकाळी 11 वाजण्याच्या सुमारास टीनाच्या आईने तिला नजीकच्या बसस्थानकावर नेऊन सोडले, असे लग्न समारंभासाठी आलेले टीनाचे नातेवाईक विपिन यांनी पाेलिसांना सांगितले.

जतीन घरी परत आला तेव्हा टीना त्याच्यासमवेत नव्हती. तिच्या कुटुंबीयांनी तिचा शोध घेतला, पण ती सापडू शकली नाही. याच दिवशी दुपारी अडीचच्या सुमारास पोलिसांना टीनाचा मृतदेह गावच्या वेशीबाहेर रस्त्यावर पडलेला दिसला हाेता. तपासाअंती पाेलिसांनी टीनाच्या कुटुंबाला माहिती दिली. जतीन यांना भेटल्यानंतर काही तासांतच टीना मृत झाल्याचे कळल्याने कुटुंबियांना धक्का बसला.

टीनाच्या कुटुंबीयांनी पाेलिसांना सांगितले या दाेघांचा प्रेम विवाह ठरला होता. जतीननला विवाहवर आक्षेप हाेता तर त्याने सांगितले पाहिजे हाेते. त्याने तसं आम्हांला स्पष्ट सांगितलं असतं तर मार्ग काढू शकलाे असताे.

कुटुंबीयांनी टीनाची ओळख पटविल्यानंतर पोलिसांनी मृतदेह शवविच्छेदनासाठी पाठविला. जतीनने हा गुन्हा कशासाठी केला, याचा तपास पोलिस करत आहेत.

सातारा जिल्ह्यातील बातम्या वाचा