नवी दिल्ली : पंतप्रधान नरेंद्र मोदी यांनी राज्यसभेतच राष्ट्रवादी काँग्रेसचे कौतुक केल्यानंतर आणि महाराष्ट्रातील सत्तास्थापनेचा पेच अद्याप सुटलेला नसताना आज (बुधवार) राष्ट्रवादी काँग्रेसचे अध्यक्ष शरद पवार हे मोदींची भेट घेणार आहेत. राज्यातील शेतकऱ्यांच्या प्रश्नावर या बैठकीत चर्चा होण्याची शक्यता आहे.
मोदी आणि पवार यांची आज दुपारी साडेबारा वाजता लोकसभेत भेट होणार आहे. या दोन्ही नेत्यांमध्ये मंगळवारीच भेट होणार होती. पण, ती होऊ न शकल्याने आज ही भेट होणार आहे. पवार यांनी अद्याप राज्यातील सत्ता स्थापनेचे पत्ते उघड केलेले नाहीत. तसेस त्यांनी ज्यांना सर्वाधिक जागा आहेत आणि जे युतीत लढले आहेत, त्यांना सत्ता स्थापनेबाबत विचारा असे म्हटले होते. त्यामुळे अजून कोणत्याही आघाडीवर शिक्कामोर्तब झाले नसल्याचे स्पष्ट आहे. महाराष्ट्रात ओला दुष्काळामुळे शेतकऱ्यांचे मोठे नुकसान झाले आहे. या भेटीत याच मुद्द्यावर जास्त भर असेल असे सांगण्यात येत आहे. केंद्राकडून राज्यातील शेतकऱ्यांना मदत अपेक्षित आहे.
सोमवारी मोदींनी राज्यसभेत भाषण करताना राष्ट्रवादी काँग्रेसकडून आमच्या पक्षासह सर्वांनी शिकण्याची गरज असल्याचे म्हटले होते. तसेच मोदी हे कायमच पवार हे माझे गुरु असल्याचे म्हणत आलेले आहेत. त्यामुळे या दोन्ही नेत्यांमध्ये आज होणाऱ्या बैठकीकडे अनेक अर्थाने पाहिले जात आहे. महाराष्ट्रात भाजपला 105 जागा मिळूनही शिवसेना सोबत नसल्याने सत्ता स्थापन करता आलेली नाही. तर, दुसरीकडे शिवसेना-राष्ट्रवादी काँग्रेस आणि काँग्रेसच्या आघाडीची जोरदार चर्चा आहे. त्यामुळे आजच्या या दोघांच्या बैठकीला महत्त्व आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.