Neeraj Chopra’s Wife Himani Mor Takes Bold Career Decision: भारताचा गोल्डन बॉय अर्थात ऑलिंपिक सुवर्णपदक विजेता नीरज चोप्राशी संबंधित एक बातमी समोर आली आहे. खरंतर ही बातमी नीरज चोप्राची पत्नी हिमानी मोर हिच्याबाबत आहे. जी ऐकून कदाचित तुम्हाला आश्चर्च वाटू शकतं. कारण, हिमानीने एक धाडसी निर्णय घेतला आहे. ज्याची सध्या चांगलीच चर्चा रंगली आहे.

 कारण, आता नीरज चोप्राची पत्नी  हिमानी मोर ही  टेनिस सोडून व्यवसाय सांभाळणार आहे. हिमानीने अमेरिकेच्या साउथ-ईस्टर्न लुईझियाना विद्यापीठातून स्पोर्ट्स मॅनेजमेंटमध्ये शिक्षण पूर्ण केले आहे आणि आता ती व्यवसाय करणार आहे. विशेष म्हणजे यासाठी हिमानीने तब्बल दीड कोटी रुपयांचे जॉब पॅकेज देखील, यासाठी नाकारले आहे.

तर यासंदर्भात हिमानीचे वडील सोनीपतचे रहिवासी चांद मोर यांनी म्हटले आहे की,  हिमानीचे पदवीचे शिक्षण पूर्ण झाले आहे आणि आता तिने क्रीडा संबंधित व्यवसाय सांभाळण्याचा निर्णय घेतला आहे.

प्राप्त माहितीनुसार, हिमानी मोर हिने स्पोर्ट्स अँड फिटनेस मॅनेजमेंट आणि एचआर मॅनेजमेंटमध्ये डबल एमबीए पदवी घेतली आहे. शिवाय, तिने अमेरिकेत अर्धवेळ सहाय्यक प्रशिक्षक आणि टेनिस संघ व्यवस्थापक म्हणूनही काम केलेले आहे. जून १९९९ मध्ये जन्मलेल्या हिमानीने चौथी इयत्तेपासून टेनिस खेळायला सुरुवात केली होती.